മുതിര്‍ന്ന മാധ്യമ പ്രവര്‍ത്തകന്‍ പി എം മൊയ്തീന്‍ അന്തരിച്ചു

ആലുവ: എറണാകുളം പ്രസ്‌ക്ലബ് മുന്‍ പ്രസിഡണ്ടും സെക്രട്ടറിയും വാര്‍ത്താ ഏജന്‍സിയായ യു.എന്‍.ഐ കൊച്ചി ബ്യൂറോ ചീഫും റീജിയണല്‍ മാനേജരുമായിരുന്ന പി.എം മൊയ്തീന്‍ (73) അന്തരിച്ചു. ഇന്ന് പുലര്‍ച്ചെ 4 മണിയോടെ പ്രാര്‍ഥനയ്ക്കിടെ ഉണ്ടായ ഹൃദയാഘാതത്തിലാണ് അന്ത്യം.

ഖബറടക്കം ഇന്ന് വൈകിട്ട് 4ന് ആലുവ ചൊവ്വര തൂമ്പാക്കടവ് ജമാഅത്ത് ഖബര്‍സ്ഥാനില്‍. ഡല്‍ഹി, മദ്രാസ്, കോഴിക്കോട്, തിരുവനന്തപുരം എന്നിവിടങ്ങളില്‍ യുഎന്‍ഐ ലേഖകനായിരുന്നു. മലയാളം ന്യൂസ് ജിദ്ദ ഡസ്‌കിലെ മായിന്‍കുട്ടിയുടെ (നേരത്തെ മാധ്യമം) സഹോദരനാണ്.