- Home
- Latest News
- news line
- Districts
- Kerala
- India
- World
- Sports
- Videos+
- Arogyathejas
- Around The Globe
- Bomb Squad
- Charithrapadham
- Cinimayude Varthamanam
- Cut 'n' Right
- Editors Voice
- Hridaya Thejas
- In Focus
- In Quest
- India Scan
- Kalikkalam
- Marupaksham
- NEWS LINE
- Nireekshanam
- Pusthakavicharam
- RAMADAN VICHARAM
- Samantharam
- Shani Dasha
- Swathwa Vicharam
- Vazhivelicham
- VideoNews
- World in Words
- Yathra
- voice over
- Sub Lead
കെ റെയില് ഡിപിആര് തട്ടിക്കൂട്ട്; 'പ്രതിരോധ വിവരങ്ങളടങ്ങിയ രഹസ്യരേഖ' ഇപ്പോള് എവിടെ എന്നും വിഡി സതീശന്
അഹമ്മദാബാദ്-മുംബൈ ബുള്ളറ്റ് ട്രെയിനില് പ്രതീക്ഷിക്കുന്നത് 36000 യാത്രക്കാരെയാണ്. കെ റെയിലില് 80000 യാത്രക്കാരെ പ്രതീക്ഷിക്കുന്നു എന്നത് എന്തിന്റെ അടിസ്ഥാനത്തിലാണ്

തിരുവനന്തപുരം: സര്ക്കാര് പുറത്തുവിട്ട സില്വര് ലൈന് പദ്ധതിയുടെ ഡീറ്റൈല്ഡ് പ്രോജക്റ്റ് റിപോര്ട്ട് (ഡിപിആര്)തട്ടിക്കൂട്ടെന്ന് പ്രതിപക്ഷ നേതാവ് വിഡി സതീശന്. പരിസ്ഥിതി, സാമൂഹിക ആഘാത പഠനങ്ങളോ സര്വെയോ നടത്താതെ എങ്ങനെയാണ് ഡി.പി.ആര് തയാറാക്കുന്നതെന്ന ചോദ്യമാണ് പ്രതിപക്ഷ നേതാവ് ഉയര്ത്തുന്നത്. ഡിപിആര് തയാറാക്കിയ ഫ്രഞ്ച് കമ്പനിയുടെ പ്രതിനിധി തന്നെ റിപോര്ട്ട് തട്ടിക്കൂട്ടിയതാണെന്ന് വെളിപ്പെടുത്തിയിട്ടുണ്ടെന്നും അദ്ദേഹം കൊല്ലത്ത് മാധ്യമങ്ങളോട് പറഞ്ഞു.
കെ റെയില് നിര്മ്മിക്കുന്നതിനാവശ്യമായ മുഴുവന് പ്രകൃതിവിഭവങ്ങള് മധ്യ കേരളത്തില് ഉണ്ടെന്നാണ് ഡിപിആറില് പറയുന്നത്. എന്നാല് ഇത് തെറ്റാണെന്നും അദ്ദേഹം ചൂണ്ടിക്കാട്ടുന്നു. ഡാറ്റാ തിരിമറി നടത്തി ജപ്പാനിലെ ജൈക്കയില് നിന്നും ചരടുകളോടെ ലോണ് തട്ടാനുള്ള ശ്രമമാണ് സര്ക്കാര് നടത്തുന്നതെന്നും വിഡി സതീശന് കുറ്റപ്പെടുത്തി. കെ റെയിലിന്റെ 55 ശതമാനം വരുന്ന 292 കിലോ മീറ്റര് ദൂരം പ്രളയ നിരപ്പിനേക്കാള് ഒരു മീറ്റര് മുതല് ഒന്പത് മീറ്റര് വരെ ഉയരത്തില് 30 മുതല് 50 അടി ഉയരത്തിലാണ് എംബാങ്ക്മെന്റ് സ്ഥാപിക്കുന്നത്. ഇതു കോട്ടപോലെ കല്ലും മണലും വച്ച് നിര്മ്മിക്കണം. ബാക്കി സ്ഥലത്ത് ഇരുവശങ്ങളിലുമായി മതില് പണിയണം. ഇതിനാവശ്യമായ പ്രകൃതി വിഭവങ്ങള് മധ്യകേരളത്തില് എവിടെയാണുള്ളത്.
ഇന്നലെ കെ റെയില് എം.ഡി സംസാരിച്ചത് ഡിപിആറില് പറയുന്നതിന് വിരുദ്ധമായാണ്. മറ്റു സംസ്ഥാനങ്ങളില് നിന്നും കല്ലും മണ്ണും ട്രെയിനില് കൊണ്ടു വരുമെന്നാണ് അദ്ദേഹം പറയുന്നത്. ഇതിന് എത്ര ടണ് പ്രകൃതി വിഭവങ്ങള് വേണമെന്ന കണക്കു പോലും സര്ക്കാരിന്റെ കൈയ്യിലില്ല. ഇതൊക്കെ ഡി.പി.ആറില് ഉള്പ്പെടുത്തേണ്ടതല്ലെ, ഇതൊന്നും ഇല്ലെങ്കില് എന്തു ഡി.പി.ആര് ആണിതെന്നും അദ്ദേഹം ചൂണ്ടിക്കാട്ടുന്നു.
കെ റെയില് അധികൃതരോട് റെയില്വേ ബോര്ഡ് പ്രതിനിധികള് ഉന്നയിച്ച ചോദ്യങ്ങള് തന്നെയാണ് പ്രതിപക്ഷവും ചോദിച്ചത്. അഹമ്മദാബാദ് മുംബൈ ബുള്ളറ്റ് ട്രെയിനില് പ്രതീക്ഷിക്കുന്നത് 36000 യാത്രക്കാരെയാണ്. കെ റെയിലില് 80000 യാത്രക്കാരെ പ്രതീക്ഷിക്കുന്നു എന്നത് എന്തിന്റെ അടിസ്ഥാനത്തിലാണ്. ഈ ചോദ്യം തന്നെയാണ് റെയില്വെ ബോര്ഡും പ്രതിപക്ഷവും ചോദിച്ചത്. തട്ടിക്കൂട്ട് ഡി.പി.ആര് ആണെന്ന് തയാറാക്കിയവര് പറഞ്ഞു.
മുഖ്യമന്ത്രിയുടെ സന്നിധ്യത്തില് ചേര്ന്ന യോഗത്തില് പ്രതിരോധ വിവരങ്ങള് അടങ്ങിയ രഹസ്യരേഖയാണെന്നാണ് മുഖ്യവിവരാവകാശ കമ്മീഷണര് പറഞ്ഞത്. അന്വര് സാദത്ത് എം.എല്.എ അവകാശ ലംഘനത്തിന് നോട്ടീസ് നല്കിയപ്പോഴാണ് ഡി.പി.ആര് പുറത്തുവന്നത്. ഇപ്പോള് രഹസ്യ സ്വഭാവം എവിടെ പോയി എന്നും അദ്ദേഹം ചോദിക്കുന്നു.ഡിപിആര് പുറത്തു കാണിച്ചാല് പദ്ധതിയെ കുറിച്ച് കെട്ടിപ്പൊക്കിയ കഥകള് ചീട്ടുകൊട്ടാരം പോലെ തകര്ന്നു പോകും. അതുകൊണ്ടാണ് ഇതുവരെ രഹസ്യമാക്കി വച്ചത്. പ്രതിപക്ഷം ഉയര്ത്തിയ ചോദ്യങ്ങള്ക്ക് ഈ ഡി.പി.ആറില് മറുപടിയില്ല. അതിനാലാണ് മുഖ്യമന്ത്രിയും മറുപടി പറയാത്തത്. ഇപ്പോഴെങ്കിലും ഡി.പി.ആര് പുറത്തു വിടാന് സര്ക്കാര് തയാറായത് പ്രതിപക്ഷത്തിന്റെ രാഷ്ട്രീയ വിജയമാണ്. 3700 പേജുകളുള്ള ഡിപിആര് യുഡിഎഫ് സമിതി പഠിക്കും. സാമ്പത്തിക, സാങ്കേതിക, പരിസ്ഥിതി വിദഗ്ധരുമായി നേരിട്ട് ചര്ച്ച നടത്തുമെന്നും അദ്ദേഹം വ്യക്തമാക്കി.
RELATED STORIES
ജഡ്ജിമാര് സംഘപരിവാര് അജണ്ടക്കനുസൃതമായി പ്രവര്ത്തിച്ചുവെന്ന്...
16 July 2025 4:00 PM GMTമൂര്ഖനെ കഴുത്തിലിട്ടു പോവുകയായിരുന്ന യുവാവ് പാമ്പുകടിയേറ്റു മരിച്ചു
16 July 2025 3:13 PM GMTമദ്യം നല്കി ആദിവാസി പെണ്കുട്ടിയെ കൂട്ടബലാത്സംഗത്തിനിരയാക്കിയെന്ന്;...
16 July 2025 2:53 PM GMTനികുതി കുടിശ്ശിക അടച്ചില്ല; ഇസ്രായേലിലെ എയ്ലാത്ത് തുറമുഖം ഞായറാഴ്ച...
16 July 2025 2:39 PM GMTബസ് സമരം: ഒരു വിഭാഗം പിന്മാറി; സമരവുമായി മുന്നോട്ടെന്ന് മറുവിഭാഗം
16 July 2025 2:14 PM GMTനിമിഷ പ്രിയയുടെ മോചനത്തിന് തടസമാവുന്ന പ്രചാരണങ്ങളില് നിന്നും മാറി...
16 July 2025 2:03 PM GMT