മുംബൈയില്‍ കെട്ടിടം തകര്‍ന്ന് 3 പേര്‍ മരിച്ചു

മുംബൈ: മഹാരാഷ്ട്രയിലെ വിക്രോളി പ്രദേശത്ത് കെട്ടിടം തകര്‍ന്നുവീണ് 3 പേര്‍ മരിച്ചു. ഞായറാഴ്ച പുലര്‍ച്ചെയാണ് കെട്ടിടം തകര്‍ന്നതെന്ന് ബ്രിഹന്‍മുംബൈ മുനിസിപ്പല്‍ കോര്‍പറേഷന്‍ അറിയിച്ചു.

രണ്ട് നിലയുളള റസിഡന്‍ഷ്യല്‍ കെട്ടിടമാണ് തകര്‍ന്നുവീണത്. രക്ഷാപ്രവര്‍ത്തനം ഊര്‍ജിതമാക്കിയിട്ടുണ്ട്.

നഗരത്തിലെ ചെമ്പൂരില്‍ മറ്റൊരു സംഭവത്തില്‍ മതില് കുടിലുകള്‍ക്കുമുകളില്‍ വീണ് 11 പേര്‍ മരിച്ചിരുന്നു.

അവശിഷ്ടങ്ങള്‍ക്കിടയില്‍ നിന്ന് 16 പേരെ സുരക്ഷിതമായി പുറത്തെടുത്തു. ദേശീയ ദുരന്തനിവാരണ സേനയാണ് രക്ഷാപ്രവര്‍ത്തനം നടത്തിയത്.

കഴിഞ്ഞ ദിവസങ്ങളില്‍ നിര്‍ത്താത പെയ്ത മഴയില്‍ മുംബൈയിലെ ജനജീവിതം സ്തംഭിച്ചിരിക്കുകയാണ്. പലയിടങ്ങളിലും വെള്ളം കയറി.