പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ചു; സീരിയല്‍ താരം പേള്‍ പുരി അറസ്റ്റില്‍

മുംബൈ: പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസില്‍ സീരിയല്‍ താരം പേള്‍ വി പുരിയെ മുംബൈ പോലിസ് അറസ്റ്റ് ചെയ്തു. പെണ്‍കുട്ടിയുടെ പിതാവ് നല്‍കിയ പരാതിയിലാണ് 'നാഗിന്‍' എന്ന സീരിയലിലൂടെ ശ്രദ്ധേയനായ 31 കാരനെതിരേ നടപടിയെടുത്തത്. ഇള്‍ക്കെതിരേ പോക്‌സോ നിയമ പ്രകാരമാണ് കേസ് ചുമത്തിയിട്ടുള്ളത്. പോള്‍ പുരിക്ക് ഒപ്പം പ്രവര്‍ത്തിച്ചിരുന്ന മാതാവിന്റെ കൂടെ പീഡനത്തിനിരയായ പെണ്‍കുട്ടി ഷൂട്ടിങ് സെറ്റ് സന്ദര്‍ശിക്കാറുണ്ടെന്ന് പോലിസ് പറഞ്ഞു. അതിനിടെ, ടെലിവിഷന്‍ മേഖലയിലെ സഹപ്രവര്‍ത്തകരടക്കമുള്ളവര്‍ പേള്‍ പുരി നിരപരാധിയാണെന്ന് അവകാശപ്പെട്ട് രംഗത്തെത്തി. പ്രമുഖ നിര്‍മാതാവ് ഏക്താ കപൂര്‍ ഉള്‍പ്പെടെയുള്ളവരാണ് നടനെ പിന്തുണച്ച് രംഗത്തെത്തിയിട്ടുള്ളത്. നാഗിന്‍ 3, നാഗാര്‍ജുന ഏക് യോദ്ദ, ബെപാന പ്യാര്‍, ബ്രഹ്മരക്ഷസ് 2 തുടങ്ങിയ ടെലിവിഷന്‍ ഷോകളില്‍ പേള്‍ പുരി അഭിനയിച്ചിട്ടുണ്ട്.

Television actor Pearl V Puri arrested in Mumbai for allegedly raping minor girl