തൃശൂരില്‍ തെരുവ് നായ ആക്രമണം; മൂന്നുപേര്‍ക്ക് കടിയേറ്റു

തൃശൂര്‍: കുന്നംകുളത്ത് വീണ്ടും തെരുവ് നായ ആക്രമണം. രണ്ട് വയസ്സുകാരന്‍ ഉള്‍പ്പെടെ മൂന്ന് പേര്‍ക്ക് കടിയേറ്റു. തെക്കേപ്പുറം സ്വദേശികളായ ജഗന്‍, വിജയ, ദാസന്‍ എന്നിവര്‍ക്കാണ് കടിയേറ്റത്.

വീടിന് മുന്നില്‍ കളിച്ചുകൊണ്ടിരിക്കെയാണ് രണ്ടര വയസ്സുകാരനെ നായ കടിച്ചത്. പരിക്കേറ്റവരെ തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. നേരത്തെ കുന്നംകുളത്ത് തെരുവ് നായയുടെ കടിയേറ്റ് ചികില്‍സയിലിരിക്കെ ഒരു സ്ത്രീ മരിച്ചിരുന്നു.