സോളാര് പീഡനക്കേസ്: മുന് മന്ത്രി എ പി അനില്കുമാറിന് സിബിഐയുടെ ക്ലീന് ചിറ്റ്
തിരുവനന്തപുരം: സോളാര് പീഡനക്കേസില് മുന് മന്ത്രി എ പി അനില്കുമാറിന് സിബിഐയുടെ ക്ലീന് ചിറ്റ്. അനില്കുമാറിനെതിരായ പരാതി വ്യാജമാണെന്ന് സിബിഐ റിപോര്ട്ടില് വ്യക്തമാക്കി. പീഡനം നടന്നെന്ന് പറയുന്ന ഹോട്ടലില് അനില്കുമാര് താമസിച്ചിട്ടില്ലെന്ന് സിബിഐ കണ്ടെത്തി. ഇക്കാര്യം വ്യക്തമാക്കുന്ന റിപോര്ട്ട് തിരുവനന്തപുരം സിബിഐ കോടതിയില് സമര്പ്പിച്ചു.
2012 ല് കൊച്ചിയിലെ ഹോട്ടലില് മാനഭംഗത്തിനിരയാക്കിയെന്നായിരുന്നു പരാതി. ഈ ആരോപണം കെട്ടിച്ചമച്ചാതാണെന്നും സോളാര് പദ്ധതിക്ക് വേണ്ടി അനിലില്കുമാറിന്റെ പ്രൈവറ്റ് സെക്രട്ടറി ഏഴ് ലക്ഷം കൈക്കൂലി വാങ്ങിയെന്നതിന് തെളിവില്ലെന്നും സിബിഐ വ്യക്തമാക്കി. 2012 കൊച്ചിയിലെ ട്രാവല് മാര്ട്ട് നടക്കുമ്പോള് പരാതിക്കാരി പറഞ്ഞ പഞ്ചനക്ഷത്ര ഹോട്ടലില് അനില്കുമാര് താമസിച്ചിട്ടില്ല. അതേസമയം, അന്ന് മന്ത്രിയായിരുന്ന അനില്കുമാര് ഗസ്റ്റ് ഹൗസില് തങ്ങിയതിന് തെളിവുണ്ട്.
ഡല്ഹിയിലെ കേരള ഹൗസില് വച്ച് കൈക്കൂലി വാങ്ങിയെന്ന് പറയുന്ന ദിവസം പ്രൈവറ്റ് സെക്രട്ടറി അവിടെ താമസിച്ചതിനും പണം കൈപ്പറ്റിയതിനും തെളിവില്ല. നേരത്തെ എംപിമാരായ അടൂര് പ്രകാശ്, ഹൈബി ഈഡന് എന്നിവര്ക്കും സിബിഐ ക്ലീന് ചിറ്റ് നല്കിയിരുന്നു. ഉമ്മന്ചാണ്ടി, കെ സി വേണുഗോപാല്, ബിജെപി ദേശീയ ഉപാധ്യക്ഷന് അബ്ദുല്ലക്കുട്ടി എന്നിവര്ക്കെതിരായ പീഡനപരാതികളും സിബിഐ അന്വേഷിക്കുന്നുണ്ട്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
