ധര്‍മ്മസ്ഥലയിലെ ബംഗ്ലഗുഡ്ഡ റിസര്‍വ് വനമേഖലയില്‍ കണ്ടെത്തിയ തലയോട്ടികള്‍ പുരുഷന്മാരുടേതെന്ന് എസ്ഐടി

മംഗളൂരു: ധര്‍മ്മസ്ഥലയിലെ ബംഗ്ലഗുഡ്ഡ റിസര്‍വ് വനമേഖലയില്‍ കണ്ടെത്തിയ തലയോട്ടികള്‍ പുരുഷന്മാരുടേതാണെന്ന് ധര്‍മ്മസ്ഥല കേസ് അന്വേഷിക്കുന്ന പ്രത്യേക അന്വേഷണ സംഘത്തിന്റെ എസ്ഐടി വെളിപ്പെടുത്തല്‍. ഇവ ആത്മഹത്യാ കേസുകളാണോ എന്ന് തങ്ങള്‍ക്ക് ഉറപ്പില്ലെന്നും ഉദ്യോഗസ്ഥന്‍ പറഞ്ഞു.

'ബംഗ്ലഗുഡ്ഡയിലെ 10 ഏക്കറിലധികം വരുന്ന വിശാലമായ സ്ഥലത്ത്, ഏകദേശം 5 ഏക്കറില്‍ ഞങ്ങളുടെ സംഘങ്ങള്‍ തിരച്ചില്‍ പൂര്‍ത്തിയാക്കി. ശരീരഭാഗങ്ങള്‍ക്കായി തിരച്ചില്‍ നടത്താനും അവ വീണ്ടെടുക്കാനും പ്രത്യേക സംഘങ്ങള്‍ രൂപീകരിച്ചു. തലയോട്ടികള്‍, താടിയെല്ലുകള്‍, അസ്ഥികള്‍ എന്നിവയെല്ലാം പ്രദേശത്ത് ചിതറിക്കിടക്കുകയായിരുന്നു. ശരീരഭാഗങ്ങള്‍ കണ്ടെത്തിയ സ്ഥലത്തിന് ചുറ്റും ഞങ്ങള്‍ തെളിവുകളുടെ ലൈനുകള്‍ സ്ഥാപിച്ചിട്ടുണ്ട്,' ഉദ്യോഗസ്ഥര്‍ പറഞ്ഞു.

കൂട്ട ദഹിപ്പിച്ച കേസില്‍ തെറ്റായ തെളിവ് നല്‍കിയതിന് നിലവില്‍ ജുഡീഷ്യല്‍ കസ്റ്റഡിയിലുള്ള 45 കാരനായ സാക്ഷി പരാതിക്കാരനായ ചിന്നയ്യ, തന്റെ മുന്നില്‍ വച്ചിരുന്ന തലയോട്ടി നീക്കം ചെയ്തത് താനല്ലെന്ന് കോടതിയില്‍ പറഞ്ഞിരുന്നു.അതേസമയം, ബംഗ്ലഗുഡ്ഡയിലെ ശേഷിക്കുന്ന അഞ്ച് ഏക്കര്‍ സ്ഥലത്ത് തങ്ങള്‍ തിരച്ചില്‍ തുടരുമെന്ന് എസ്ഐടി വൃത്തങ്ങള്‍ പറഞ്ഞു.