Latest News

റോഡ് ഷോക്കിടെ ബിജെപി നേതാക്കള്‍ക്കു നേരെ ഷൂ ഏറ്

പോലീസ് അനുമതി നല്‍കിയില്ലെങ്കിലും റോഡ് ഷോ നടത്തുമെന്ന് പശ്ചിമ ബംഗാള്‍ ബിജെപി അധ്യക്ഷന്‍ ദിലീപ് ഘോഷ് കഴിഞ്ഞ ദിവസം പറഞ്ഞിരുന്നു.

റോഡ് ഷോക്കിടെ ബിജെപി നേതാക്കള്‍ക്കു നേരെ ഷൂ ഏറ്
X

കൊല്‍ക്കത്ത: ബിജെപി കൊല്‍ക്കത്തയില്‍ നടത്തിയ റോഡ് ഷോക്കിടെ മുതിര്‍ന്ന നേതാക്കള്‍ക്കു നേരെ ഷൂ എറിഞ്ഞു. ബിജെപി ബംഗാള്‍ നേതാക്കളായ കൈലാഷ് വിജയ്‌വര്‍ഗിയ, മുകുള്‍ റോയ് എന്നിവരുടെ വാഹനങ്ങള്‍ക്കുനേരെയാണ് ഷൂ എറിഞ്ഞത്. പോലീസിന്റെ അനുമതിയില്ലാതെയാണ് ബിജെപി റാലി നടത്തിയത്. കിഡ്ഡര്‍പൂരില്‍നിന്ന് സെന്‍ട്രല്‍ കൊല്‍ക്കത്തയിലെ ബിജെപി സംസ്ഥാന കാര്യാലയത്തിലേക്കായിരുന്നു റോഡ് ഷോ.


പോലീസ് അനുമതി നല്‍കിയില്ലെങ്കിലും റോഡ് ഷോ നടത്തുമെന്ന് പശ്ചിമ ബംഗാള്‍ ബിജെപി അധ്യക്ഷന്‍ ദിലീപ് ഘോഷ് കഴിഞ്ഞ ദിവസം പറഞ്ഞിരുന്നു. ബിജെപിയുടെ പുതിയ കൊല്‍ക്കത്ത സോണ്‍ നിരീക്ഷകനായി ചുമതലയേറ്റ മുന്‍ കൊല്‍ക്കത്ത മേയര്‍ സോവന്‍ ചാറ്റര്‍ജിയെ അനുമോദിക്കാനാണ് പരിപാടി സംഘടിപ്പിച്ചത്. വിജയ്‌വര്‍ഗിയയുടെ നേതൃത്വത്തിലായിരുന്നു റോഡ് ഷോ. ഗതാഗത കുരുക്കുണ്ടാകാനുള്ള സാധ്യത ചൂണ്ടിക്കാട്ടിയാണ് കൊല്‍ക്കത്ത പോലീസ് റാലിക്ക് അനുമതി നിഷേധിച്ചത്.


നേരത്തെ ബിജെപി അധ്യക്ഷന്‍ ജെപി നഡ്ഡയുടെ വാഹന വ്യൂഹത്തിനുനേരെ പശ്ചിമ ബംഗാളില്‍വച്ച് ആക്രമണമുണ്ടായിരുന്നു. കല്ലേറില്‍ വാഹനത്തിന്റെ ചില്ലുകള്‍ തകരകയും നഡ്ഡയ്‌ക്കൊപ്പം ഉണ്ടായിരുന്ന കൈലാഷ് വിജയ്‌വര്‍ഗിക്ക് പരുക്കേല്‍ക്കുകയും ചെയ്തിരുന്നു.




Next Story

RELATED STORIES

Share it