സെക്യൂരിറ്റി ജീവനക്കാരന്‍ ബസ്സിടിച്ച് മരിച്ചു

വയനാട്: കേണിച്ചിറ ടൗണില്‍ റോഡ് മുറിച്ചു കടക്കാന്‍ ശ്രമിക്കുന്നതിനിടെ സെക്യൂരിറ്റി ജീവനക്കാരന്‍ ബസ്സിടിച്ച് മരിച്ചു. താഴമുണ്ട പറമ്പില്‍ മത്തായി (60) ആണ് മരിച്ചത്. ഇന്നലെ വൈകിട്ടായിരുന്നു അപകടം.

ജോലി ചെയ്യുന്ന സ്വകാര്യ സ്ഥാപനത്തിന് മുന്നിലെ നടവയല്‍ ബിനാച്ചി റോഡ് കടക്കാന്‍ ശ്രമിക്കുന്നതിനിടെ മാനന്തവാടിയില്‍ നിന്നും ബത്തേരിക്കുള്ള കെഎസ്ആര്‍ടിസി ബസ് ഇടിക്കുകയായിരുന്നു. പരിക്കേറ്റ ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

ഭാര്യ: ഷീജ. മക്കള്‍: അമല്‍ വര്‍ഗീസ്, അഞ്ജലി.