കെജ്രിവാളിന്റെ അറസ്റ്റ് ബിജെപിയുടെ രാഷ്ട്രീയ ഭീരുത്വം: മൂവാറ്റുപുഴ അഷ്റഫ് മൗലവി

തിരുവനന്തപുരം: ഡൽഹി മുഖ്യമന്ത്രി അരവിന്ദ് കെജ്രിവാളിനെ അറസ്റ്റ് ചെയ്ത നടപടി അപലപനീയമാണെന്നും ഇത് ബിജെപിയുടെ രാഷ്ട്രീയ ഭീരുത്വമാണെന്നും എസ്ഡിപിഐ സംസ്ഥാന പ്രസിഡൻ്റ് മൂവാറ്റുപുഴ അഷ്റഫ് മൗലവി. രാജ്യത്തിൻ്റെ നികുതിപ്പണം കൊണ്ട് പ്രവർത്തിക്കുന്ന ഇ ഡി അടക്കമുള്ള ഏജൻസികളെ രാഷ്ട്രീയ പകപോക്കലിനായി ഉപയോഗിക്കുന്നത് ജനാധിപത്യ രാജ്യത്തിന് ഭൂഷണമല്ല. ഇത്തരം ഹീന ശ്രമങ്ങൾക്കെതിരെ ജനരോഷമുയരണമെന്നും മൂവാറ്റുപുഴ അഷ്റഫ് മൗലവി പറഞ്ഞു.