ഇറാന്റെ ആക്രമണങ്ങളെ അപലപിച്ച് സൗദി അറേബ്യ

സൗദി: ഇറാന്റെ ആക്രമണങ്ങളെ സൗദി അറേബ്യ ശക്തമായി അപലപിച്ചു. സ്ഥിതി കൂടുതല്‍ വഷളായാല്‍ ഇറാന്‍ ഏറ്റവും വലിയ നഷ്ടക്കാരായി മാറുമെന്ന് സൗദി വിദേശകാര്യ മന്ത്രാലയം പറഞ്ഞു.വിമാനത്താവളങ്ങള്‍, എണ്ണ കേന്ദ്രങ്ങള്‍ തുടങ്ങിയ സിവിലിയന്‍ പ്രദേശങ്ങള്‍ ആക്രമിക്കുന്നത് അന്താരാഷ്ട്ര നിയമങ്ങള്‍ക്ക് വിരുദ്ധമാണെന്ന് സൗദി വിദേശകാര്യ മന്ത്രാലയം അറിയിച്ചു.

ഇറാന്റെ ആക്രമണങ്ങള്‍ തുടര്‍ന്നാല്‍ അത് സംഘര്‍ഷം കൂടുതല്‍ വഷളാക്കുമെന്നും ഇരു രാജ്യങ്ങളും തമ്മിലുള്ള ബന്ധത്തെ ഗുരുതരമായി ബാധിക്കുമെന്നും സൗദി അറേബ്യ മുന്നറിയിപ്പ് നല്‍കി. സൗദി മണ്ണില്‍ നിന്ന് യുദ്ധ ആവശ്യങ്ങള്‍ക്കായി യുദ്ധവിമാനങ്ങള്‍ പറന്നുയരുന്നുണ്ടെന്ന ഇറാന്റെ ആരോപണവും സൗദി അറേബ്യ നിഷേധിച്ചു.