ഫിര്‍മിനോയുടെ ഗോളില്‍ ലിവര്‍പൂള്‍ ക്ലബ്ബ് ലോകകപ്പ് ഫൈനലില്‍

ദോഹ: പകരക്കാരനായെത്തിയ റോബര്‍ട്ടോ ഫിര്‍മിനോയുടെ ഗോളില്‍ ലിവര്‍പൂള്‍ ഫിഫാ ക്ലബ്ബ് ലോകകപ്പിന്റെ ഫൈനലില്‍ പ്രവേശിച്ചു. മെക്‌സിക്കന്‍ ശക്തികളായ മൊന്റെരയേ സെമിയില്‍ 2-1ന് തോല്‍പ്പിച്ചാണ് ഇംഗ്ലിഷ് ക്ലബ്ബ് ഫൈനലിലേക്ക് ടിക്കറ്റെടുത്ത്. ഫൈനലില്‍ ബ്രസീലിയന്‍ ക്ലബ്ബ് ഫഌമങ്ങോയെ ചെമ്പട നേരിടും. നബി കെറ്റയുടെ 11ാം മിനിറ്റിലെ ഗോളിലൂടെ ലിവര്‍പൂള്‍ ആദ്യം ലീഡെടുത്തു. എന്നാല്‍ മൊന്റെരേയുടെ ഫുണ്‍സ് മോറി 14ാം മിനിറ്റില്‍ തിരിച്ചടിച്ചു. തുടര്‍ന്ന് ഇരുടീമും വിജയഗോളിനായി മികച്ച പ്രകടനം പുറത്തെടുത്തു. എന്നാല്‍ ഇഞ്ചുറി ടൈമില്‍ ഫിര്‍മിനോ ലിവര്‍പൂളിന്റെ രക്ഷകനാവുകയായിരുന്നു. അലക്‌സാണ്ടര്‍ അര്‍ണോള്‍ഡിന്റെ ക്രോസ് ഫിര്‍മിനോ വലയിലെത്തിക്കുകയായിരുന്നു. ശനിയാഴ്ചയാണ് ഫൈനല്‍.