രാജ്യസഭാ തിരഞ്ഞെടുപ്പ്: മഹാരാഷ്ട്രയിലെയും ഹരിയാനയിലെയും കോണ്ഗ്രസ് എംഎല്എമാര്ക്കെതിരേ പരാതിയുമായി ബിജെപി
ന്യൂഡല്ഹി: നാല് സംസ്ഥാനങ്ങളിലായി നടന്ന രാജ്യസഭാ തിരഞ്ഞെടുപ്പില് മഹാരാഷ്ട്രയിലെ മൂന്ന് എംഎല്എമാരും ഹരിയാനയിലെ രണ്ട് എംഎല്എമാരും നിയമം ലംഘിച്ചെന്നാരോപിച്ച് ബിജെപി തിരഞ്ഞെടുപ്പ് കമ്മീഷന് പരാതി നല്കി.
ബാലറ്റ് പേപ്പര് ഈ എംഎല്എമാര് പ്രദര്ശിപ്പിച്ചുവെന്നാണ് ബിജെപിയുടെ ദേശീയ നേതാക്കള് നല്കിയ പരാതിയില് പറയുന്നത്. മഹാരാഷ്ട്രയിലെ മഹാ വികാസ് അഘാഡി പക്ഷത്തിലെ 3 എംഎല്എമാര്ക്കും ഹരിയാനയിലെ 2 കോണ്ഗ്രസ് എംഎല്എമാര്ക്കുമെതിരേയാണ് പരാതി നല്കിയത്.
കേന്ദ്രമന്ത്രിമാരായ മുഖ്താര് അബ്ബാസ് നഖ്വി, ഗജേന്ദ്ര സിംഗ് ഷെഖാവത്ത്, ജിതേന്ദ്ര സിംഗ്, അര്ജുന് റാം മേഘ്വാള് എന്നിവരുള്പ്പെടെയുള്ള ബിജെപി പ്രതിനിധി സംഘമാണ് വോട്ടെടുപ്പ് അവസാനിച്ചതിന് ശേഷം അന്വേഷണം ആവശ്യപ്പെട്ട് കമ്മീഷനെ കണ്ടത്. തിരഞ്ഞെടുപ്പ് ഫലം അതിനുശേഷം മാത്രമേ പ്രഖ്യാപിക്കാവൂഎന്നും നേതാക്കള് ആവശ്യപ്പെട്ടു.
ബാലറ്റ് പേപ്പര് പ്രദര്ശിപ്പിക്കുന്നത് തിരഞ്ഞെടുപ്പ് നിയമലംഘനമാണെന്ന് 2017ല് അഹ്മദ് പട്ടേലിന്റെ കേസിലെ വിധിയും പരാതിയില് ഉന്നയിച്ചിട്ടുണ്ട്.
മഹാരാഷ്ട്ര, ഹരിയാന, കര്ണാടക, രാജസ്ഥാന് എന്നിവിടങ്ങളിലാണ് വെള്ളിയാഴ്ച വോട്ടെടുപ്പ് നടന്നത്.
ആകെ 57 സീറ്റിലേക്കാണ് തിരഞ്ഞെടുപ്പെങ്കിലും 16 എണ്ണത്തില് ഒഴിച്ച് മറ്റെല്ലാ ഒഴിവുകളും എതിരാളികളില്ലാതെ തിരഞ്ഞെടുക്കപ്പെടുകയായിരുന്നു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT