പൊന്മുടി, കല്ലാര്, മങ്കയം ഇക്കോ ടൂറിസം കേന്ദ്രങ്ങള് അടച്ചു; ജില്ലയിലെ വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച അവധി
തിരുവനന്തപുരം: ജില്ലയില് ശക്തമായ മഴ തുടരുന്ന സാഹചര്യത്തില് പൊന്മുടി, കല്ലാര്, മങ്കയം ഇക്കോ ടൂറിസം കേന്ദ്രങ്ങള് ഇനി ഒരു അറിയിപ്പുണ്ടാവുന്നതുവരെ തുറന്നുപ്രവര്ത്തിക്കുന്നതല്ലെന്ന് തിരുവനന്തപുരം വനം ഡിവിഷനിലെ ഡിവിഷനല് ഫോറസ്റ്റ് ഓഫിസര് അറിയിച്ചു. തിരുവനന്തപുരം അതിശക്തമായ മഴ തുടരുന്ന സാഹചര്യത്തില് ജില്ലയിലെ പ്രഫഷനല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് ജെറോമിക് ജോര്ജ് അവധി പ്രഖ്യാപിച്ചിട്ടുണ്ട്.
കേന്ദ്രകാലാവസ്ഥാ നിരീക്ഷണ കേന്ദ്രവും സംസ്ഥാന ദുരന്ത നിവാരണ അതോറിറ്റിയും ജില്ലയില് റെഡ് അലര്ട്ട് പ്രഖ്യാപിച്ചിരിക്കുകയാണ്. മുന്നിശ്ചയിച്ച പ്രകാരമുള്ള പൊതുപരീക്ഷകള്ക്ക് മാറ്റമില്ല. തിരുവനന്തപുരം ജില്ലയില് ചൊവ്വാഴ്ച റെഡ് അലര്ട്ട് പ്രഖ്യാപിച്ചിരിക്കുന്ന സാഹചര്യത്തില് ക്വാറിയിങ്, മൈനിങ്, ഖനന പ്രവര്ത്തനങ്ങളും കടലോര / കായലോര /മലയോര മേഖലയിലേക്കുള്ള അവശ്യസര്വീസുകള് ഒഴികെയുള്ള ഗതാഗതം, വിനോദസഞ്ചാരം എന്നിവ ഇനിയൊരു അറിയിപ്പുണ്ടാവുന്നതുവരെ നിരോധിച്ചു.
തിരുവനന്തപുരം ജില്ലയില് ചൊവ്വാഴ്ച 24 മണിക്കൂറില് 204.4 മില്ലി മീറ്റര് മഴയില് കൂടുതലുള്ള അതിതീവ്രമായ മഴ ലഭിക്കാനുള്ള സാധ്യതയുള്ളതായി കേന്ദ്ര കാലാവസ്ഥാ വകുപ്പ് അറിയിച്ചു. കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്- മണ്ണിടിച്ചില് സാധ്യതയുള്ള മലയോര പ്രദേശങ്ങള് എന്നിവിടങ്ങളില് താമസിക്കുന്നവര് അതീവ ജാഗ്രത പാലിക്കണം.
മുന്വര്ഷങ്ങളില് ഉരുള്പൊട്ടല്- മണ്ണിടിച്ചില്, വെള്ളപ്പൊക്കം എന്നിവ ഉണ്ടായ മേഖലകളിലുള്ളവരും ജിയോളജിക്കല് സര്വേ ഓഫ് ഇന്ത്യയും സംസ്ഥാന ദുരന്ത നിവാരണ അതോറിറ്റിയുടെ വിദഗ്ധസമിതിയും അപകട സാധ്യത മേഖലകള് അഥവാ വാസയോഗ്യമല്ലാത്ത പ്രദേശങ്ങളെന്ന് കണ്ടെത്തിയ സ്ഥലങ്ങളില് താമസിക്കുന്നവരും അവിടങ്ങളിലുള്ള തദ്ദേശസ്ഥാപനങ്ങളും സര്ക്കാര് സംവിധാനങ്ങളും അപകട സാധ്യത മുന്നില്ക്കണ്ട് തയ്യാറെടുപ്പുകള് പൂര്ത്തീകരിക്കണം. കൊവിഡ് 19 ന്റെ പശ്ചാത്തലത്തില് ദുരിതാശ്വാസ ക്യാംപുകള് നടത്താന് സംസ്ഥാന ദുരന്തനിവാരണ അതോറിറ്റി ഓറഞ്ച് ബുക്ക് 2021 ലൂടെ നിര്ദേശിച്ച തരത്തിലുള്ള തയ്യാറെടുപ്പുകള് പൂര്ത്തീകരിക്കേണ്ടതാണെന്ന് ജില്ലാ ഭരണകൂടം നിര്ദേശിച്ചിട്ടുണ്ട്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
