ആലപ്പുഴയില്‍ പോലിസുകാരന്‍ ജീവനൊടുക്കി

ആലപ്പുഴ: ആലപ്പുഴയില്‍ പോലിസ് ഉദ്യോഗസ്ഥന്‍ കടലില്‍ ചാടി ജീവനൊടുക്കി. എആര്‍ ക്യാംപിലെ എഎസ്‌ഐ ഫെബി ഗോണ്‍സാലസ് ആണ് മരിച്ചത്. ഞായറാഴ്ച രാവിലെ 8:30നാണ് ഗോണ്‍സാലസിന്റെ മൃതദേഹം ആലപ്പുഴ കടപ്പുറത്ത് കണ്ടെത്തിയത്. മൃതദേഹത്തില്‍ പരിക്കുകളില്ലാത്തതിനാല്‍, ജീവനൊടുക്കിയത് തന്നെയാണെന്നും സംഭവത്തില്‍ ദുരൂഹതയില്ലെന്നും പോലിസ് അറിയിച്ചു. ശനിയാഴ്ച വൈകീട്ട് വരെ ക്യാംപിലുണ്ടായിരുന്ന ഗോണ്‍സാലസ് ജീവനൊടുക്കാനുള്ള കാരണം വ്യക്തമല്ലെന്നും സംഭവത്തില്‍ വിശദമായ അന്വേഷണം ആരംഭിച്ചതായും അധികൃതര്‍ അറിയിച്ചു.