അനധികൃതമായി കൈവശംവച്ച നാടന് തോക്കുകളുമായി രണ്ടുപേര് കൂടി പോലിസിന്റെ പിടിയില്
പെരിന്തല്മണ്ണ: ജില്ലയില് അനധികൃതമായി കൈവശംവച്ച രണ്ട് നാടന് തോക്കുകള് കൂടി പോലിസ് പിടികൂടി. രണ്ടുപേരെ പോലിസ് അറസ്റ്റ് ചെയ്തു. മലപ്പുറം ജില്ലാ പോലിസ് മേധാവി എസ് സുജിത്ത് ദാസിന്റെ നിര്ദേശപ്രകാരം പെരിന്തല്മണ്ണ ഡിവൈഎസ്പി എം സന്തോഷ് കുമാറിന്റെ നേതൃത്വത്തില് മങ്കട, പെരിന്തല്മണ്ണ സിഐമാരടങ്ങുന്ന പ്രത്യേക സംഘമാണ് പരിശോധന നടത്തിയത്.
മങ്കട കരിമല സ്വദേശി ചക്കിങ്ങല്തൊടി ജസിം (32) എന്നയാളെ മങ്കട സിഐ യു കെ ഷാജഹാന്റെ നേതൃത്വത്തില് മങ്കട പോലിസ് വീട്ടില് നിന്നാണ് കസ്റ്റഡിയിലെടുത്തത്. തോക്ക് വീടിന്റെ പിറകുവശത്ത് ഒളിപ്പിച്ചനിലയിലായിരുന്നു. സ്വകാര്യ സ്കൂള് അധ്യാപകനാണ് ജസിം. അമ്മിനിക്കാട് പാണമ്പി സ്വദേശി പടിഞ്ഞാറേതില് അപ്പു(50) വിനെയാണ് പെരിന്തല്മണ്ണ സിഐ സുനില് പുളിക്കല്, എസ്ഐ അലി എന്നിവരുടെ നേതൃത്വത്തില് പെരിന്തല്മണ്ണ പോലിസ് അറസ്റ്റ് ചെയ്തത്.
ജില്ലയില് മലയോരമേഖലകളില് അനധികൃതമായി തോക്കുകളും തിരകളും കൈവശംവയ്ക്കുകയും നായാട്ട് നടത്തുന്നതായും മലപ്പുറം ജില്ലാ പോലിസ് മേധാവി എസ് സുജിത്ത് ദാസ് ഐപിഎസ്സിന് ലഭിച്ച രഹസ്യവിവരത്തിന്റെ അടിസ്ഥാനത്തില് പെരിന്തല്മണ്ണ ഡിവൈഎസ്പിയുടെ നേതൃത്വത്തില് പ്രത്യേക അന്വേഷണസംഘം നടത്തിയ പരിശോധനയില് ചെറുകര കേന്ദ്രീകരിച്ച് പ്രവര്ത്തിക്കുന്ന നായാട്ടുസംഘത്തിലെ മൂന്ന് പേരെ കഴിഞ്ഞ ദിവസം അറസ്റ്റ് ചെയ്ത് മൂന്ന് നാടന് തോക്കുകളും പിടിച്ചെടുത്തിരുന്നു.
ഇവരെ കൂടുതല് ചോദ്യം ചെയ്തതില് ലഭിച്ച വിവരങ്ങളുടെയടിസ്ഥാനത്തില് തുടരന്വേഷണം നടത്തുന്നതായും പെരിന്തല്മണ്ണ ഡിവൈഎസ്പി എം സന്തോഷ് കുമാര് അറിയിച്ചു. മലപ്പുറം എസ്പി എസ് സുജിത്ത് ദാസ് ഐപിഎസ്സിന്റെ നിര്ദേശപ്രകാരം പെരിന്തല്മണ്ണ ഡിവൈഎസ്പി എം സന്തോഷ്കുമാര്, സിഐ സുനില്പുളിക്കല്, എസ്ഐ അലി, മങ്കട സിഐ യു കെ ഷാജഹാന്, എസ്ഐ എം സതീഷ്, പ്രൊബേഷന് എസ്ഐമാരായ പി എം ഷൈലേഷ്, സജേഷ് ജോസ് എന്നിവരും പെരിന്തല്മണ്ണ ഡാന്സാഫ് ടീം എന്നിവരാണ് പ്രത്യേക അന്വേഷണസംഘത്തിലുണ്ടായിരുന്നത്.
RELATED STORIES
പുൽപ്പള്ളി-മാനന്തവാടി റോഡിൽ കാട്ടാനയുടെ മുന്നില്നിന്ന് കാർ...
29 March 2024 11:07 AM GMTപട്ടാമ്പി-പാലക്കാട് റൂട്ടിലെ റെയിൽവേ ഗേറ്റ് തടസ്സം...
29 March 2024 11:04 AM GMT'തനിക്ക് ചെയ്യാൻ കഴിയുന്നതെല്ലാം ചെയ്യും'; സിദ്ധാര്ത്ഥന്റെ...
29 March 2024 11:02 AM GMTപട്ടാഴിമുക്ക് അപകടത്തില് നിര്ണായക വിവരവുമായി ദൃക്സാക്ഷി
29 March 2024 10:58 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT