കേരളത്തില് നിക്ഷേപം നടത്താമെന്ന് നോര്വേ മലയാളികള്
ഒസ്ലോ: കേരളത്തില് സംരംഭം ആരംഭിക്കാന് താല്പ്പര്യമുണ്ടെന്ന് നോര്വേ മലയാളികള്. നോര്വേയിലെ മലയാളി കൂട്ടായ്മയായ 'നന്മ'യുടെ സ്വീകരണ സമ്മേളനത്തില് പങ്കെടുക്കാനെത്തിയ മുഖ്യമന്ത്രിയുടെ മുന്നിലാണ് നിക്ഷേപത്തിന് തയ്യാറാണെന്ന് ചിലര് സൂചിപ്പിച്ചത്. അതിനുള്ള എല്ലാ സഹായവും നല്കാമെന്ന് മുഖ്യമന്ത്രി പറഞ്ഞു.
സര്ക്കാര് കേരളത്തില് നടപ്പിലാക്കാന് ഉദ്ദേശിക്കുന്ന കാര്യങ്ങളും നോര്വ്വ സന്ദര്ശനത്തിന്റെ നേട്ടങ്ങളും മുഖ്യമന്ത്രി മലയാളി അസോസിയേഷന് മുന്നില് വിശദീകരിച്ചു. ഇവിടെ കാണുന്ന പല സൗകര്യങ്ങളും നമ്മുടെ നാട്ടിലും ഉണ്ടാകണമെന്ന് നിങ്ങള് ആഗ്രഹിക്കുന്നുണ്ടാവുമെന്നും അതിനായി നമുക്ക് ഒന്നിച്ച് ശ്രമിക്കാമെന്നും മുഖ്യമന്ത്രി വ്യക്തമാക്കി.
നവകേരള കാഴ്ചപാടിന്റെ പ്രധാന ഉള്ളടക്കവും കഴിഞ്ഞ ആറുവര്ഷം നടപ്പാക്കിയ പ്രധാന കാര്യങ്ങളും മുഖ്യമന്ത്രി വിശദീകരിച്ചു. 1970 മുതല് നോര്വ്വേയില് മലയാളി സാന്നിധ്യമുണ്ടെങ്കിലും 2000 മുതലാണ് മലയാളികള് കുടുതലായി കുടിയേറാന് തുടങ്ങിയത്. പ്രൊഫഷനലുകളാണ് ഇവരില് ഭൂരിഭാഗവും. നോര്വ്വേയിലെ പെന്ഷന് സംവിധാനത്തെ കുറിച്ച് വിശദമായ പഠനം നടത്താന് ഉദ്ദേശിക്കുന്നതായി പിണറായി വിജയന് സൂചന നല്കി.
ആദ്യമായാണ് കേരളത്തിന്റെ മുഖ്യമന്ത്രി നോര്വേയിലെത്തുന്നതെന്നും അതില് തങ്ങള്ക്ക് അഭിമാനമുണ്ടെന്നും നന്മ പ്രസിഡന്റ് സിന്ധു എബ്ജില് പറഞ്ഞു. പെരുമ്പാവൂര്കാരിയായ സിന്ധു 17 വര്ഷമായി നോര്വേയിലാണ്. ചോദ്യങ്ങള്ക്ക് മുഖ്യമന്ത്രിയെ കൂടാതെ വ്യവസായ മന്ത്രി പി രാജീവും ചീഫ് സെക്രട്ടറി ഡോ. വി പി ജോയിയും മറുപടി പറഞ്ഞു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT