നിപ: മൂന്ന് പേരുടെ പരിശോധനാഫലം കൂടി നെഗറ്റീവ്: നിയന്ത്രണങ്ങളില് ഇളവ്, വാക്സിനേഷന് നാളെ മുതല്

കോഴിക്കോട്: മറ്റ് നിപ വൈറസ് കേസുകളൊന്നും റിപോര്ട്ട് ചെയ്യാത്ത സാഹചര്യത്തിലും ഇന്ക്യുബേഷന് കാലയളവായ 14 ദിവസം കഴിഞ്ഞ സാഹചര്യത്തിലും കോഴിക്കോട് കണ്ടെന്മെന്റ് വാര്ഡുകളിലെ നിയന്ത്രണങ്ങളില് ഇളവ് വരുത്താന് തീരുമാനിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. അതേസമയം ചാത്തമംഗലം പഞ്ചായത്തിലെ ഒമ്പതാം വാര്ഡ് കണ്ടൈന്മെന്റായി തുടരുന്നതാണ്. മെഡിക്കല് ബോര്ഡിന്റേയും വിദഗ്ധ സമിതിയുടേയും നിര്ദേശ പ്രകാരമാണ് തീരുമാനമെടുത്തത്. മറ്റ് പ്രദേശങ്ങളില് കടകള് തുറക്കാനും യാത്ര ചെയ്യാനും അനുവദിക്കും. രോഗലക്ഷണങ്ങളുള്ളവര് നിര്ബന്ധമായും വീടുകളില് തന്നെ കഴിയണം. എന്തെങ്കിലും പ്രശ്നങ്ങളുണ്ടെങ്കില് ഉടന് തന്നെ ആരോഗ്യ പ്രവര്ത്തകരെ വിവരം അറിയിക്കാന് നിര്ദേശിച്ചു. ഇതുസംബന്ധിച്ചുള്ള ഉത്തരവ് ജില്ലാ കളക്ടര് പുറത്തിറക്കുന്നതാണെന്നും മന്ത്രി വ്യക്തമാക്കി.
നിപ സമ്പര്ക്കപ്പട്ടികയിലുള്ള 3 പേരുടെ പരിശോധനാ ഫലം കൂടി നെഗറ്റീവായി. എന്.ഐ.വി. പൂനയിലാണ് ഇത് പരിശോധിച്ചത്. ഇതോടെ 143 പേരുടെ സാംപിളുകളാണ് നെഗറ്റീവായത്. നിയന്ത്രണങ്ങളില് ഇളവ് വരുത്തിയെങ്കിലും എല്ലാവരും ജാഗ്രത തുടരണമെന്നും മന്ത്രി അഭ്യര്ത്ഥിച്ചു.
കണ്ടെന്മെന്റ് സോണില് നിര്ത്തിവച്ചിരുന്ന വാക്സിനേഷന് ബുധനാഴ്ച മുതല് പുനരാരംഭിക്കും. ഇനി വാക്സിന് എടുക്കാന് ബാക്കിയുള്ളവരെ കണ്ടെത്തി കൃത്യമായ ആക്ഷന് പ്ലാനോടെയാണ് വാക്സിനേഷന് നടത്തുന്നത്. രോഗലക്ഷണമുള്ളവര് ഒരു കാരണവശാലും വാക്സിനെടുക്കാന് പോകരുത്. 9,593 പേരാണ് കണ്ടൈന്മെന്റ് വാര്ഡുകളില് ഇനി ആദ്യഡോസ് വാക്സിന് എടുക്കാനുള്ളത്. 500 മുതല് 1000 വരെയുള്ള പല സെക്ഷനുകള് തിരിച്ചായിരിക്കും വാക്സിന് നല്കുക.
RELATED STORIES
ഉത്തര്പ്രദേശില് മുസ്ലിം യുവാവിനെ പോലിസ് വെടിവെച്ച് കൊന്നു
21 Sep 2023 6:16 AM GMTകാനഡയിലുള്ള ഇന്ത്യക്കാര്ക്ക് അതീവ ജാഗ്രതാ നിര്ദേശം
20 Sep 2023 11:39 AM GMTപൈലറ്റുമാരുടെ കൂട്ടരാജി; 700 ഓളം സര്വീസുകള് റദ്ദാക്കേണ്ടി വരുമെന്ന്...
20 Sep 2023 10:46 AM GMTവനിത സംവരണ ബില്ല്; ലോക്സഭയില് ചര്ച്ച തുടങ്ങി
20 Sep 2023 6:24 AM GMTപുതിയ പാര്ലിമെന്റില് ആദ്യ ബില് വനിതാസംവരണം; പ്രാബല്യത്തില് വരിക...
19 Sep 2023 10:08 AM GMTകനേഡിയന് നയതന്ത്രജ്ഞനെ ഇന്ത്യ പുറത്താക്കി; അഞ്ചുദിവസത്തിനകം...
19 Sep 2023 7:41 AM GMT