ഡല്‍ഹിയില്‍ രാത്രി കര്‍ഫ്യൂ

ന്യൂഡല്‍ഹി: പുതുവത്സരാഘോഷങ്ങള്‍ നിയന്ത്രിക്കുന്നതിനായി ഡല്‍ഹി സര്‍ക്കാര്‍ രാത്രി കര്‍ഫ്യൂ പ്രഖ്യാപിച്ചു. ഇന്ന് രാത്രി 11 മുതല്‍ നാളെ രാവിലെ 6 വരെയും നാളെ രാത്രി 11 മുതല്‍ അടുത്ത ദിവസം രാത്രി 6 വരെയുമാണ് കര്‍ഫ്യൂ. ഈ സമയത്ത് ഒരുവിധത്തിലുള്ള കൂടിച്ചേരലുകളും അനുവദിക്കില്ല. ജനിതകമാറ്റം സംഭവിച്ച കൊവിഡ് ബാധ റിപോര്‍ട്ട് ചെയ്യപ്പെട്ടതിനെത്തുടര്‍ന്നാണ് നടപടി.

അതേ സമയം ഗതാഗത നീക്കത്തെ നിയന്ത്രിക്കില്ല. കൊറോണ വൈറസ് പടരുന്നത് തടയാന്‍ കര്‍ശന ജാഗ്രത പാലിക്കണമെന്ന് ആഭ്യന്തര മന്ത്രാലയം തിങ്കളാഴ്ച കത്തില്‍ ആവശ്യപ്പെട്ടിരുന്നു. പുതുവത്സരാഘോഷങ്ങള്‍ 'വൈറസ് പടരുന്നതിന് കാരണമാകുമെന്നും മുന്നറിയിപ്പ് നല്‍കിയിരുന്നു.