പരിസ്ഥിതി ദിനത്തില്‍ വനമിത്ര അവാര്‍ഡ് ജേതാവിനെ ആദരിച്ചു

പരപ്പനങ്ങാടി: 2019ലെ സംസ്ഥാന സര്‍ക്കാരിന്റെ വനമിത്ര അവാര്‍ഡ് ജേതാവ് അബ്ദുള്‍ റസാഖി(കുഞ്ഞോന്‍ ) നെ നെടുവ യുവജന സംഘം വായനശാല പ്രവര്‍ത്തകര്‍ ആദരിച്ചു. വായനശാല പ്രസിഡന്റ് എ വി ബാലകൃഷ്ണന്‍ വനമിത്ര കുഞ്ഞോനെ പൊന്നാട അണിയിച്ച് ആദരിച്ചു. പരപ്പനങ്ങാടി നഗരസഭാ കൗണ്‍സിലര്‍ ഒ സുമിറാണി വായനശാല പരിസരത്തും വീടുകളിലുമായി വൃക്ഷത്തൈകള്‍ നടുന്ന പരിപാടി ഉല്‍ഘാടനം ചെയ്തു. കെ ആണ്ടിക്കുട്ടി, വിനോദ് കെ, അനീഷ് പി, എ പത്മനാഭന്‍ ,കെ മണികണ്ഠന്‍, മുകുന്ദന്‍ അക്ഷര സേനാംഗങ്ങള്‍ തുടങ്ങിയവര്‍ പരിപാടിയില്‍ പങ്കെടുത്തു. ശേഷം വായനശാലാ പരിസരത്തും വീടുകളിലുമായി ഔഷധ ഫലവൃക്ഷത്തൈകള്‍ നട്ടു.