നാലു സ്‌പെഷ്യല്‍ ട്രെയിനുകള്‍ക്ക് സ്ഥിരസേവന പദവി; യാത്രക്കാരുടെ ആവശ്യം അംഗീകരിച്ച് റെയില്‍വേ

കൊല്ലം: യാത്രക്കാരുടെ ദീര്‍ഘകാല ആവശ്യങ്ങള്‍ പരിഗണിച്ച് നാലു പ്രധാന സ്‌പെഷ്യല്‍ ട്രെയിനുകള്‍ക്ക് സ്ഥിരസേവന പദവി അനുവദിക്കാന്‍ റെയില്‍വേ മന്ത്രാലയം തീരുമാനിച്ചു. ഇതുസംബന്ധിച്ച ഔദ്യോഗിക വിജഞാപനം ഉടന്‍ പുറത്തിറങ്ങുമെന്ന് അറിയിച്ചിട്ടുണ്ട്.

06169/70 നമ്പരിലുള്ള കൊല്ലം-എറണാകുളം മെമു സ്‌പെഷ്യല്‍ ഇനി 66327/28 നമ്പറുകളോടെ സ്ഥിരസര്‍വീസായി മാറും. ദിവസേന യാത്ര ചെയ്യുന്ന ഓഫീസ് ജീവനക്കാരും വിദ്യാര്‍ഥികളും ഉള്‍പ്പെടെ ആയിരക്കണക്കിന് യാത്രക്കാരുടെ ആവശ്യമാണ് ഇതോടെ നിറവേറുന്നത്. 06061/62 എറണാകുളം-വേളാങ്കണ്ണി സ്‌പെഷ്യല്‍ 16363/64 നമ്പറുകളോടെ സ്ഥിരസര്‍വീസായി തുടരും. തീര്‍ത്ഥാടകരുടെയും യാത്രക്കാരുടെയും ഏറെ നാളത്തെ ആവശ്യമാണ് റെയില്‍വേ അംഗീകരിച്ചത്.

അതേസമയം, തിരുവനന്തപുരം നോര്‍ത്ത്-മംഗലാപുരം അന്ത്യോദയ എക്‌സ്പ്രസ് (06163/064) ഇനി 16313/14 നമ്പറുകളോടെയും സര്‍വീസ് നടത്തും. 08539/40 വിശാഖപട്ടണം-കൊല്ലം സ്‌പെഷ്യല്‍ ട്രെയിന്‍ 18501/502 നമ്പറുകളോടെ ദിവസേന ഓടും.