രാജ്യസഭ എംപിമാരുടെ സസ്‌പെന്‍ഷന്‍: ശരത്പവാര്‍ ഏകദിന നിരാഹാര സമരം നടത്തുന്നു

മുംബൈ: രാജ്യസഭയില്‍ നിന്ന് എട്ട് അംഗങ്ങളെ പുറത്താക്കിയതിനെതിരേ എന്‍സിപി നേതാവ് ശരത് പവാര്‍ ഏകദിന നിരാഹാരമനുഷ്ടിക്കുന്നു. പുറത്താക്കപ്പെട്ടവര്‍ക്കുള്ള ഐക്യദാര്‍ഢ്യമാണ് തന്റെ നിരാഹാര സമരമെന്ന് ശരത് പവാര്‍ പറഞ്ഞു.

തിങ്കളാഴ്ചയാണ് കാര്‍ഷിക ബില്ലിനെ കുറിച്ചുള്ള ചര്‍ച്ചക്കിടയില്‍ സഭയില്‍ ബഹളം വച്ചുവെന്ന് ആരോപിച്ചാണ് എട്ട് അംഗങ്ങളെ സ്പീക്കര്‍ വെങ്കയ്യനായിഡു സസ്‌പെന്റ് ചെയ്തത്.

സസ്‌പെന്റ് ചെയ്യപ്പെട്ടവരെ ഉടന്‍ തിരിച്ചെടുക്കണമെന്ന് കോണ്‍ഗ്രസ് നേതാവ് ഗുലാം നബി ആസാദ് ആവശ്യപ്പെട്ടു.