കെഎസ്ആര്‍ടിസി യാത്രക്കാരനില്‍ നിന്നും എംഡിഎംഎ പിടികൂടി

കല്‍പ്പറ്റ: മുത്തങ്ങ എക്‌സൈസ് ചെക്ക്‌പോസ്റ്റില്‍ മൈസൂര്‍-കല്‍പ്പറ്റ കെഎസ്ആര്‍ടിസി ബസ്സിലെ യാത്രക്കാരനില്‍ നിന്നും അതിമാരക മയക്കുമരുന്നായ എംഡിഎംഎ പിടികൂടി. മയക്കുമരുന്നു കടത്തിയ മലപ്പുറം പൊന്നാനി വെളിയംകോട് കുന്നത്ത് വീട്ടില്‍ മുഹമ്മദ് ബഷീര്‍ (30) നെ അറസ്റ്റ് ചെയ്തു. എക്‌സൈസ് ഇന്‍സ്‌പെക്ടര്‍ എ പ്രജിത്ത്, പ്രിവന്റീവ് ഓഫിസര്‍മ്മാരായ വി ആര്‍ ബാബുരാജ്, സുരേഷ് വെങ്ങാലി കുന്നേല്‍, സിവില്‍ എക്‌സൈസ് ഓഫിസര്‍മാരായ സജീവ് ഒ, ജോബിഷ് കെ യു എന്നിവരാണ് മയക്കുമരുന്ന് പിടികൂടിയത്. എന്‍ഡിപിഎസ് നിയമപ്രകാരം പരമാവധി 20 വര്‍ഷം വരെ ശിക്ഷ ലഭിക്കാവുന്ന കുറ്റകൃത്യമാണ് ഇത്.