മലയാളി വിദ്യാര്‍ഥിയെ കാണാനില്ല

ഉള്ളാള്‍: കര്‍ണാടകയില്‍ പഠിക്കുകയായിരുന്ന മലയാളി വിദ്യാര്‍ഥിയെ കാണാനില്ലെന്ന് ഉള്ളാള്‍ പോലിസ് സ്റ്റേഷനില്‍ പരാതി. പാലക്കാട് സ്വദേശിയായ റാബിയയുടെയും അബൂബക്കറിന്റെയും മകനായ മാലിക് അബൂബക്കറിനെയാണ് കാണാതായത്.

ദേര്‍ലക്കട്ടെയിലെ ഒരു സ്വകാര്യ കോളേജില്‍ ബിഎന്‍വൈഎസ് കോഴ്‌സ് പഠിക്കുകയായിരുന്നു മാലിക് അബൂബക്കര്‍. അബ്ദുള്‍ ഷരീഫ് എന്നയാളുടെ ഉടമസ്ഥതയിലുള്ള പിജി അക്കാഡമേഷനില്‍ താമസിച്ചു വരികയായിരുന്ന മാലികിനെ നവംബര്‍ 13ന് ശേഷം കാണാതാവുകയായരുന്നു. അ്‌നനേ ദിവസം, അത്താഴത്തിന് ശേഷം ഇപ്പോള്‍ വരാമെന്ന് പറഞ്ഞ് പുറത്തുപോയെങ്കിലും തിരിച്ചെത്തിയില്ലെന്നാണ് പരാതി.

സംഭവത്തില്‍ മാലിക്കിന്റെ അമ്മയുടെ സഹോദരനും ഫിസിയോതെറാപ്പിസ്റ്റുമായ ഡോ. അസ്മല്‍ ടി എ നല്‍കിയ പരാതിയില്‍ പോലിസ് അന്വേഷണം ആരംഭിച്ചു.