ഷിക്കാഗോ വിമാനത്താവളത്തില്‍ അപകടം: മലയാളി മരിച്ചു

ഷിക്കാഗോ: യുഎസിലെ ഷിക്കാഗോ ഒ ഹാരെ വിമാനത്താവളത്തിലുണ്ടായ അപകടത്തില്‍ മലയാളി മരിച്ചു. കൊല്ലം പത്തനാപുരം സ്വദേശി പാറപ്പാട്ട് ജിജോ ജോര്‍ജ്ജാണ് (35) മരിച്ചത്.വിമാന നിയന്ത്രണ ഉപകരണത്തിന്റെ അടിയില്‍പ്പെട്ടാണ് അപകടം. ജിജോ ജോര്‍ജ്ജിനെ ഉടന്‍ തന്നെ ആശുപത്രിയിലെത്തിച്ചിട്ടും രക്ഷിക്കാനായില്ല. മാതാപിതാക്കളും ഭാര്യയും മക്കളും ഉള്‍പ്പടെ കുടുംബാംഗങ്ങള്‍ ഷിക്കാഗോയിലാണ് താമസം.