മാഹി നിയോജകമണ്ഡലം: എസ്ഡിപിഐ സ്ഥാനാര്‍ത്ഥി നാമനിര്‍ദേശ പത്രിക സമര്‍പ്പിച്ചു

മാഹി: പോണ്ടിച്ചേരിയിലെ മാഹി നിയോജക മണ്ഡലത്തില്‍ നിന്ന് മല്‍സരിക്കുന്ന എസ്ഡിപിഐ സ്ഥാനാര്‍ത്ഥിയായി സി കെ ഉമ്മര്‍ മാസ്റ്റര്‍ റീജിയണല്‍ അഡ്മിനിസ്‌ട്രേറ്റര്‍ക്ക് മുമ്പാകെ നാമനിര്‍ദേശ പത്രിക സമര്‍പ്പിച്ചു. എന്‍ അബ്ദുസ്സമദ് അഹ്മദ്, എ ഹൈദര്‍ അലി എന്നിവര്‍ക്കൊപ്പമെത്തിയാണ് പത്രിക സമര്‍പ്പിച്ചത്.

രാജ്യത്തിന്റെ നിലനില്‍പ്പ് അപകടത്തിലായിരിക്കുന്ന പ്രതിസന്ധി നിറഞ്ഞകാലത്ത് സന്ധിയില്ലാത്ത ഫാഷിസ്റ്റ് വിരുദ്ധ പോരാട്ടത്തിന് ശക്തിപകരാന്‍ ധ്രുവീകരണ രാഷ്ട്രീയത്തിനെതിരെ ജനകീയ ബദല്‍ എന്ന ഏറ്റവും അനുയോജ്യമായ രാഷ്ട്രീയമാണ് ജനങ്ങള്‍ക്ക് മുമ്പില്‍ ഈ നിയമസഭാ തിരഞ്ഞെടുപ്പില്‍ പാര്‍ട്ടി ഉയര്‍ത്തിപ്പിടിക്കുന്നതെന്ന് ഉമ്മര്‍ മാസ്റ്റര്‍ പറഞ്ഞു.