ഹോർമുസ് പാത അടച്ചിട്ടില്ല, ഞങ്ങളോട് സംസാരിക്കുന്നവർക്ക് ഞങ്ങൾ വഴിമാറി കൊടുക്കുമെന്ന് ഇറാൻ വിദേശകാര്യ മന്ത്രി

തെഹ്റാൻ: ഹോർമുസ് കടലിടുക്ക് അടച്ചിട്ടില്ലെന്നും ഇറാനെ സമീപിക്കുന്ന രാജ്യങ്ങളിൽ നിന്നുള്ള കപ്പലുകൾക്ക് സുരക്ഷിതമായ വഴിയൊരുക്കുമെന്നും ഇറാൻ വിദേശകാര്യ മന്ത്രി അബ്ബാസ് അരാഗ്ചി പറഞ്ഞു.

"ഈ വഴി ഞങ്ങൾ അടച്ചിട്ടില്ല. ഇത് തുറന്നിട്ടിരിക്കുകയാണ് . ഞങ്ങളെ ആക്രമിക്കുന്ന രാജ്യങ്ങളിൽ നിന്നുള്ള കപ്പലുകൾക്ക് വേണ്ടി മാത്രമേ ഇത് അടച്ചിട്ടുള്ളൂ," അദ്ദേഹം പറഞ്ഞു.

മറ്റ് രാജ്യങ്ങളിൽ നിന്നുള്ള കപ്പലുകൾക്ക് സാധാരണഗതിയിൽ കടന്നുപോകാൻ കഴിയുമെന്ന് അരാഗ്ചി വ്യക്തമാക്കി, എന്നാൽ ഇതിനായി അവർക്ക് തെഹ്‌റാനുമായി സംസാരിക്കേണ്ടി വരുമെന്നും അദ്ദേഹം കൂട്ടിചേർത്തു.