ഭരണതുടര്‍ച്ച ഉറപ്പെന്ന ധാരണ അബദ്ധമെന്ന് എം എ ബേബി

കൊല്ലം: മൂന്നാം തവണയും ഇടതു സര്‍ക്കാര്‍ അധികാരത്തിലെത്തുന്നത് ഉറപ്പാണെന്ന് പറയുന്നത് അബദ്ധമെന്ന് സിപിഎം പൊളിറ്റ്ബ്യൂറോ അംഗം എം എ ബേബി. മൂന്നാം ഊഴം ഉറപ്പായി എന്ന് പറഞ്ഞു നടക്കുന്നത് അബദ്ധമാണെന്നും അതിനുള്ള സാഹചര്യം മാത്രമാണ് രൂപപ്പെട്ടിട്ടുള്ളതെന്നും ബേബി പറഞ്ഞു.

സാഹചര്യം മുന്‍ നിര്‍ത്തി ഒരു കാര്യം ഉറപ്പിക്കുന്നത് ശരിയല്ലെന്നും ഭരണതുടര്‍ച്ച ഉറപ്പിക്കാനുള്ള പ്രവര്‍ത്തനം, പോരാട്ടങ്ങള്‍ തുടങ്ങി നിരവധി വിഷയങ്ങള്‍ സംസ്ഥാന സമ്മേളനം ചര്‍ച്ച ചെയ്തുകൊണ്ടിരിക്കുകയാണെന്നും ബേബി വ്യക്തമാക്കി.