തദ്ദേശ തിരഞ്ഞെടുപ്പ്: എസ്ഡിപിഐയുടെ വിജയത്തില്‍ ആഹ്ലാദം പ്രകടിപ്പിച്ച് സോഷ്യല്‍ ഫോറം

ദമ്മാം: തദ്ദേശ തിരഞ്ഞെടുപ്പില്‍ നൂറിലധികം സീറ്റുകള്‍ നേടി സംസ്ഥാനത്ത് തിളക്കമാര്‍ന്ന വിജയം നേടിയ എസ്.ഡി.പി.ഐയുടെ മുന്നേറ്റത്തില്‍ ഇന്ത്യന്‍ സോഷ്യല്‍ ഫോറം ദമ്മാം കേരള സ്‌റ്റേറ്റ് കമ്മിറ്റി ആഹ്ലാദം പ്രകടിപ്പിച്ചു. അല്‍ ഖോബാറില്‍ ചേര്‍ന്ന സോഷ്യല്‍ ഫോറം ആഘോഷ പരിപാടി സ്‌റ്റേറ്റ് കമ്മിറ്റി പ്രസിഡന്റ് മന്‍സൂര്‍ എടക്കാട് കേക്ക് മുറിച്ച് ഉദ്ഘാടനം ചെയ്തു.

ഹിന്ദുത്വ ഫാഷിസം ഫണം വിടര്‍ത്തി നില്‍ക്കുന്ന ഈ കെട്ട കാലത്ത് ഫാഷിസത്തിനും പൗരത്വ നിഷേധ നിയമത്തിനുമെതിരെ ശക്തമായ നിലപാടെടുക്കുകയും ജനങ്ങളെ അത് ബോധ്യപ്പെടുത്തി ഒരുമിച്ച് നിര്‍ത്തിയതിന്റെയും ഒക്കെ ഫലമാണ് എസ്.ഡി.പി.ഐയുടെ മിന്നുന്ന വിജയം. ഈ തിരഞ്ഞെടുപ്പില്‍ 102 സീറ്റുകള്‍ നേടിയാണ് എസ്.ഡി.പി.ഐ വന്‍ മുന്നേറ്റം നടത്തിയിട്ടുള്ളത്. ഇതിനു വേണ്ടി പ്രവാസലോകത്ത് നിന്ന് ഇന്ത്യന്‍ സോഷ്യല്‍ ഫോറത്തിന്റെ ഓരോ പ്രവര്‍ത്തകനും നല്‍കിയിട്ടുള്ള നിസ്സീമമായ ഇടപെടലും സാമൂഹ്യ മാധ്യമങ്ങളിലൂടെയും മറ്റുമുള്ള പ്രചാരണവും കുടുംബാംഗങ്ങളെയും വോട്ടര്‍മാരെയുമെല്ലാം നേരിട്ട് വിളിച്ചും വോട്ടുറപ്പിച്ച മുഴുവനാളുകളുടെയും പങ്കാളിത്തത്തിന്റെ കൂടി വിജയമാണെന്ന് മന്‍സൂര്‍ എടക്കാട് പറഞ്ഞു.

പരിപാടിയില്‍ ജനറല്‍ സെക്രട്ടറി മുബാറക് പൊയില്‍തൊടി, സെക്രട്ടറി അന്‍സാര്‍ കോട്ടയം സംസാരിച്ചു. സ്‌റ്റേറ്റ് കമ്മിറ്റി അംഗങ്ങളായ അഹമ്മദ് യൂസുഫ്, സുബൈര്‍ നാറാത്ത്, നസീബ് പത്തനാപുരം, സെന്‍ട്രല്‍ കമ്മിറ്റി അംഗങ്ങളായ അബ്ദുല്‍ സലാം മാസ്റ്റര്‍, ഫാറൂഖ് വവ്വാക്കാവ്, സംബന്ധിച്ചു.