കളളു വ്യവസായ തൊഴിലാളി ക്ഷേമനിധി അംഗങ്ങളുടെ മക്കള്‍ക്ക് ലാപ് ടോപ്പ്; അപേക്ഷ ക്ഷണിച്ചു

കൊച്ചി; കളളു വ്യവസായ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കളില്‍ നിന്നും 2021-22 അധ്യയന വര്‍ഷത്തെ ലാപ്‌ടോപ്പിനുളള അപേക്ഷ ക്ഷണിച്ചു. എം.ബി.ബി.എസ്, എംബിഎ, എംസിഎ, ബിടെക്, എംടെക്, എംഫാം, ബി.എ.എം.എസ്, ബി.ഡി.എസ്, ബി.വി.എസ്.സി ആന്റ് എ.എച്ച്, ബി.എസ്.സി എം.എല്‍.ടി, ബിഫാം, ബി.എസ്.സി നഴ്‌സിംഗ് എന്നീ കോഴ്‌സുകളില്‍ 2021-22 വര്‍ഷം പ്രവേശനം ലഭിച്ച വിദ്യാര്‍ത്ഥികളില്‍ നിന്നുമാണ് ലാപ്‌ടോപ്പിനുളള അപേക്ഷ സ്വീകരിക്കുന്നത്.

ഈ കോഴ്‌സുകള്‍ക്ക് കേന്ദ്രസംസ്ഥാന എന്‍ട്രന്‍സ് കമ്മീഷന്‍ നടത്തുന്ന പ്രവേശന പരീക്ഷകളിലൂടെ സര്‍ക്കാര്‍/സര്‍ക്കാര്‍ അംഗീകൃത കോളേജുകളില്‍ പ്രവേശനം ലഭിച്ചവര്‍ക്ക് മാത്രമേ അര്‍ഹതയുളളൂ. അപേക്ഷയോടൊപ്പം എന്‍ട്രന്‍സ് കമ്മീഷണറുടെ അലോട്ട് മെന്റ് കത്ത്, സ്‌കോര്‍ ഷീറ്റ്/അലോട്ട് മെന്റ് ഓഡറിന്റെ പകര്‍പ്പ് ഹാജരാക്കണം. 2021-22 ല്‍ ഒന്നാം വര്‍ഷം പ്രവേശനം ലഭിച്ചതായുളള സ്ഥാപനത്തിന്റെ മേലധികാരിയുടെ സാക്ഷ്യപത്രം ഹാജരാക്കണം.അപേക്ഷ സ്വീകരിക്കുന്ന അവസാന തിയ്യതി മാര്‍ച്ച് 15.

അപേക്ഷ ഫോറം ജില്ലാ വെല്‍ഫെയര്‍ ഫണ്ട് യൂണിയനുകളില്‍ നിന്നും ലഭിക്കും.