ലോക കേരളസഭയുടെ രണ്ടാം സമ്മേളനാഘോഷം കനകക്കുന്നില്‍

തിരുവനന്തപുരം: ലോക കേരള സഭയുടെ രണ്ടാം സമ്മേളനം വിപുലമായി ആഘോഷിക്കുന്നു. സംസ്ഥാന സര്‍ക്കാരും ടൂറിസം ഡിപ്പാര്‍ട്‌മെന്റും സംയുക്തമായാണ് ആഘോഷപരിപാടികള്‍ ആസൂത്രണം ചെയ്തിരിക്കുന്നത്. കാഴ്ച്ചയുടെ വസന്തം-വസന്തോത്സവം 2019-2020 - എന്ന പേരില്‍ തിരുവനന്തപുരത്ത് ആഘോഷ പരിപാടികള്‍ നടക്കും.

ഡിസംബര്‍ 21, 2019 മുതല്‍ ജനുവരി 3, 2020 വരെ തിരുവനന്തപുരം കനകക്കുന്നില്‍ വച്ചാണ് സമ്മേളനം. പുഷ്പമേള, കാര്‍ഷികോത്പന്നങ്ങളുടെ പ്രദര്‍ശന-വിപണനമേള, അപൂര്‍വ്വ ഔഷധ സസ്യങ്ങളുടെ പ്രദര്‍ശനം, ആദിവാസി ജീവിതത്തിന്റെ നേര്‍ക്കാഴ്ച, ഭക്ഷ്യമേള എന്നിവ മേളയുടെ ഭാഗമായിരിക്കും. കനകക്കുന്ന് കൊട്ടാരവും പരിസരവും നിശാഗന്ധി, സൃര്യകാന്തി എന്നീ വേദികളിലാവും വസന്തോത്സവം അരങ്ങേറുക.