പോസിറ്റിവിറ്റി നിരക്ക് കുറഞ്ഞ പ്രദേശങ്ങളില്‍ ആരാധനാലയങ്ങള്‍ തുറക്കാന്‍ അനുവദിക്കണമെന്ന് ഖലീല്‍ ബുഖാരി

കോഴിക്കോട്: പോസിറ്റിവിറ്റി നിരക്ക് കുറഞ്ഞ തദ്ദേശ സ്ഥാപനങ്ങളില്‍ നിയന്ത്രണങ്ങളില്‍ ഇളവ് നല്‍കാന്‍ തീരുമാനിച്ച സാഹചര്യത്തില്‍ ആരാധനാലയങ്ങള്‍ തുറക്കാന്‍ അനുവദിക്കണമെന്ന് കേരള മുസ് ലിം ജമാണത്ത് സംസ്ഥാന സെക്രട്ടറി സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരി ആവശ്യപ്പെട്ടു.

സര്‍ക്കാരും ആരോഗ്യപ്രവര്‍ത്തരും ആവശ്യപ്പെട്ട എല്ലാ നിബന്ധനകളും പാലിച്ചവരാണ് വിശ്വാസികള്‍. പെരുന്നാളിലും റമദാനിലും അവസാനത്തെ വെള്ളിയാഴ്ചയിലും വീടുകളില്‍ നിസ്‌കരിച്ചു. സര്‍ക്കാര്‍ പ്രഖ്യാപിച്ച ആരോഗ്യ നിബന്ധനകളില്‍ വീഴ്ച വരുത്താത്ത വിശ്വാസികളെ അംഗസ്‌നാനം വീടുകളില്‍ നിര്‍വഹിച്ചും സാനിറ്റൈസര്‍ ഉപയോഗിച്ചും മുസല്ലകള്‍ വീട്ടില്‍ നിന്ന് കൊണ്ടുവന്നും ടിപിആര്‍ കുറഞ്ഞ പ്രദേശങ്ങളിലെ പള്ളികളില്‍ നിസ്‌കരിക്കാന്‍ അനുമതി നല്‍കണമെന്ന് അദ്ദേഹം ആവശ്യപ്പെട്ടു.