മുഖ്യമന്ത്രി വര്‍ഗീയ കലാപത്തിന് ആഹ്വാനം ചെയ്യുന്നു: കെ സുരേന്ദ്രന്‍

പത്തനംതിട്ട: സംസ്ഥാനത്ത് മുഖ്യമന്ത്രി വര്‍ഗീയ കലാപത്തിന് ആഹ്വാനം ചെയ്യുന്നതായി ബിജെപി നേതാവ് കെ സുരേന്ദ്രന്‍. കോഴിക്കോട് പേരാമ്പ്രയില്‍ സിപിഎം ബ്രാഞ്ച് സെക്രട്ടറി പ്രതിയായ ഒരേ ഒരു കേസ് മാത്രമാണ് വര്‍ഗീയ കലാപമായി ഉണ്ടായിട്ടുള്ളതെന്നും സുരേന്ദ്രന്‍ പറഞ്ഞു.ജാമ്യ വ്യവസ്ഥ അനുസരിച്ച് പത്തനംതിട്ട എആര്‍ ക്യംപില്‍ ഒപ്പുവച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു കെ സുരേന്ദ്രന്‍.

പന്തളത്ത് അയ്യപ്പഭക്തന്‍ കൊലചെയ്യപ്പെട്ട സംഭവത്തിന്‍ മുഖ്യമന്ത്രിയും പോലിസും പറയുന്നത് സിപിഎം ഓഫിസില്‍ ഏഴോളം അക്രമകാരികള്‍ ക്യാംപ് ചെയ്തിരുന്നു എന്നാണ്. അക്രമകാരികള്‍ ഉണ്ടെന്നറിഞ്ഞിട്ടും പോലിസിന് അവരെ തടയാന്‍ കഴിയാതിരുന്നതിനാലാണ് ഒരു അയ്യപ്പഭക്തന്റെ ജീവന്‍ നഷ്ടപ്പെടാനിടയാക്കിയതെന്നും സുരേന്ദ്രന്‍ ആരോപിച്ചു.