അമേരിക്കയുടെയും ഇസ്രായേലിന്റെയും ആക്രമണങ്ങൾ രൂക്ഷമായാൽ ആഗോള ഊർജ്ജ വിതരണ ശൃംഖലകൾ തകർക്കുമെന്ന് ഇറാൻ

തെഹ്റാൻ : അമേരിക്കയുടെയും ഇസ്രായേലിന്റെയും ആക്രമണങ്ങൾ രൂക്ഷമായാൽ ആഗോള ഊർജ്ജ വിതരണ ശൃംഖലകൾ തകർക്കുമെന്ന് ഇറാൻ . ഹോർമുസ് കടലിടുക്കിന് പുറമെ മറ്റ് കടൽ മാർഗങ്ങളും ലക്ഷ്യമിടാൻ സാധ്യതയുണ്ടെന്ന് ഇറാൻ അറിയിച്ചു

ഏതൊരു പ്രധാന നടപടിക്കും സൈനികമായി മാത്രമല്ല, ആഗോള ഊർജ്ജത്തെയും വ്യാപാരത്തെയും തകർത്തു കൊണ്ടു തന്നെ പ്രതികരിക്കുമെന്ന് ഇറാനിയൻ പരമോന്നത നേതാവിന്റെ ഉപദേഷ്ടാവ് പറഞ്ഞു.

ഹോർമുസ് കടലിടുക്ക് മാത്രമല്ല, ബാബ്-എൽ-മന്ദേബ് പോലുള്ള പ്രധാനപ്പെട്ട കടൽ പാതകളും അപകടത്തിലാകാമെന്ന് അദ്ദേഹം പറഞ്ഞു.

ഹോർമുസ് കടലിടുക്ക് തുറക്കാൻ ഇറാന് അമേരിക്കൻ പ്രസിഡന്റ് ഡൊണാൾഡ് ട്രംപ് അന്ത്യശാസനം നൽകുകയും കർശന നടപടിയെടുക്കുമെന്ന് മുന്നറിയിപ്പ് നൽകുകയും ചെയ്ത സമയത്താണ് ഈ പ്രസ്താവന.