നിലവിലെ യുദ്ധത്തില്‍ നിന്ന് പിന്നോട്ടില്ല, നഷ്ടപരിഹാരം ലഭിക്കുന്നതുവരെ യുദ്ധം തുടരുമെന്ന് ഇറാന്‍

തെഹ്‌റാന്‍: നിലവിലെ യുദ്ധത്തില്‍ നിന്ന് പിന്നോട്ട് പോകില്ലെന്നും തങ്ങള്‍ക്കുണ്ടായ നഷ്ടങ്ങള്‍ക്ക് നഷ്ടപരിഹാരം ലഭിക്കുന്നതുവരെ യുദ്ധം തുടരുമെന്നും ഇറാന്‍ അറിയിച്ചു.എല്ലാ സാമ്പത്തിക ഉപരോധങ്ങളും പിന്‍വലിക്കണമെന്നും ഭാവിയില്‍ ഇടപെടില്ലെന്ന് യുഎസ് ഉറച്ച ഉറപ്പ് നല്‍കണമെന്നും ഇറാന്‍ പരമോന്നത നേതാവ് മുജ്തബ ഖാംനഈയുടെ മുതിര്‍ന്ന സൈനിക ഉപദേഷ്ടാവ് മൊഹ്സെന്‍ റെസായി പറഞ്ഞു.

ഇറാനിയന്‍ സൈന്യം പൂര്‍ണ്ണ ശക്തിയോടെയാണ് ഓപ്പറേഷന്‍ നടത്തുന്നതെന്നും രാജ്യത്തിന്റെ നേതൃത്വം സ്ഥിതിഗതികള്‍ ശക്തമായി കൈകാര്യം ചെയ്യുന്നുണ്ടെന്നും ഒരു ടെലിവിഷന്‍ പ്രസ്താവനയില്‍ റെസായി പറഞ്ഞു.

ആക്രമണകാരികള്‍ക്ക് പൂര്‍ണ്ണ ശിക്ഷ നല്‍കണമെന്ന് രാജ്യത്തെ ജനങ്ങള്‍ ആവശ്യപ്പെടുന്നുവെന്ന് നേരത്തെ ഇറാനിയന്‍ പാര്‍ലമെന്റ് സ്പീക്കര്‍ മുഹമ്മദ് ബാഖര്‍ ഗാലീബാഫ് പറഞ്ഞിരുന്നു.