കോട്ടയം മെഡിക്കല് കോളജില് ക്വാളിറ്റി ഇംപ്രൂവ്മെന്റ് ഇനിഷ്യേറ്റീവ് നടപ്പാക്കുന്നു
തിരുവനന്തപുരം: കോട്ടയം മെഡിക്കല് കോളജിലെ അത്യാഹിത വിഭാഗത്തിലെ സേവന നിലവാരം ഏറ്റവും മികച്ചതാക്കുന്നതിന് ക്വാളിറ്റി ഇംപ്രൂവ്മെന്റ് ഇനിഷ്യേറ്റീവ് നടപ്പാക്കുന്നു. ഏറ്റവും മികച്ച ഗുണനിലവാരമുള്ള ചികില്സ കുറഞ്ഞ സമയത്തിനുള്ളില് ഉറപ്പാക്കുകയാണ് ലക്ഷ്യം. മുന്കൂട്ടിയറിയിക്കാതെ ആരോഗ്യമന്ത്രി വീണാ ജോര്ജ് ശനിയാഴ്ച രാത്രിയില് കോട്ടയം മെഡിക്കല് കോളജ് സന്ദര്ശിച്ച ശേഷമാണ് ഇക്കാര്യമറിയിച്ചത്. കഴിഞ്ഞ ദിവസം മന്ത്രി തിരുവനന്തപുരം മെഡിക്കല് കോളജില് രാത്രി സന്ദര്ശനം നടത്തിയിരുന്നു. ഇതിന് പിന്നാലെയാണ് തൊട്ടടുത്ത ദിവസം മന്ത്രി കോട്ടയം മെഡിക്കല് കോളജിലെത്തിയത്.
രാത്രി 9.30ന് കോട്ടയം മെഡിക്കല് കോളജിലെത്തിയ മന്ത്രി രാത്രി 11.45 വരെ അവിടെ ചെലവിട്ടു. രോഗികളുമായും കൂട്ടിരിപ്പുകാരുമായും അവരുടെ ബന്ധുക്കളുമായും ജീവനക്കാരുമായും ആശയവിനിമയം നടത്തി. ഡ്യൂട്ടി ലിസ്റ്റും അതനുസരിച്ച് ഡ്യൂട്ടി സമയത്ത് ജീവനക്കാരുണ്ടോയെന്നും പരിശോധിച്ചു. അത്യാഹിത വിഭാഗത്തില് രാത്രി കാലത്ത് സീനിയര് ഡോക്ടര്മാരില്ലെന്ന് ബോധ്യമായി. അസി. പ്രഫസര് റാങ്കിലുള്ള സീനിയര് ഡോക്ടര്മാരുടെ സേവനം അത്യാഹിത വിഭാഗത്തില് 24 മണിക്കൂറും ഉറപ്പാക്കാന് മന്ത്രി കര്ശന നിര്ദേശം നല്കി.
തിരുവനന്തപുരം മെഡിക്കല് കോളജില് മന്ത്രിയുടെ സന്ദര്ശനത്തെ തുടര്ന്നാണ് അത്യാഹിത വിഭാഗത്തില് സീനിയര് ഡോക്ടര്മാരുടെ സേവനം ഉറപ്പാക്കിയതും ക്വാളിറ്റി ഇപ്രൂവ്മെന്റ് ഇനിഷേറ്റീവ് നടപ്പാക്കിയതും. ആശുപത്രിയില് ലഭ്യമായ പാരസെറ്റമോള് ഇന്ജക്ഷന് മരുന്ന് പുറത്തെഴുതിയതിനെതിരേ നടപടി സ്വീകരിക്കും. കുറവുള്ള മരുന്നുകള് ലഭ്യമാക്കാന് കെഎംഎസ്സിഎല്ലിന് മന്ത്രി രാത്രിയില്തന്നെ നിര്ദേശം നല്കി. അത്യാഹിത വിഭാഗം, ഒബ്സര്വേഷന് റൂമുകള്, വാര്ഡുകള്, സ്റ്റാഫ് റൂം, വിവിധ എക്സ്റേ, സ്കാനിംഗ് യൂനിറ്റുകള് എന്നിവ പരിശോധിച്ചു. പോരായ്മകള് പരിഹരിക്കാന് അടിയന്തര ഇടപെടലുകള് നടത്താന് മന്ത്രി നിര്ദേശം നല്കി.
RELATED STORIES
വോട്ടിന് കിറ്റ്: ജനാധിപത്യത്തെ അട്ടിമറിക്കാനുള്ള നീക്കത്തില് പൗരസമൂഹം ...
25 April 2024 9:33 AM GMTശബരിമല ഗ്രീന്ഫീല്ഡ് വിമാനത്താവളം: ഭൂമി ഏറ്റെടുക്കാനുള്ള സര്ക്കാര്...
25 April 2024 9:08 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMT