സംസ്ഥാനത്ത് കനത്ത മഴ തുടരും; ആറ് ജില്ലകളില് ഇന്ന് യെല്ലോ അലര്ട്ട്
തിരുവനന്തപുരം: സംസ്ഥാനത്ത് ഇന്നും കനത്ത മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഒറ്റപ്പെട്ടയിടങ്ങളില് ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. ആറ് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. എറണാകുളം, തൃശൂര്, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് മഴ മുന്നറിയിപ്പ്. അടുത്ത ചൊവ്വാഴ്ച വരെ ശക്തമായ മഴ വിവിധ ജില്ലകളില് തുടരുമെന്നും അറിയിച്ചിട്ടുണ്ട്. അടുത്ത മൂന്നുമണിക്കൂറില് കേരളത്തില് എല്ലാ ജില്ലകളിലും ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
നാളെ കോഴിക്കോട്, കണ്ണൂര്, കാസര്കോട് ജില്ലകളിലും 18ന് ഇടുക്കി, മലപ്പുറം ജില്ലകളിലും 19ന് ആലപ്പുഴ, എറണാകുളം, തൃശൂര്, കണ്ണൂര്, കാസര്കോട് ജില്ലകളിലും യെല്ലോ അലര്ട്ടാണ്. അറബിക്കടലിലെ ഇരട്ട ന്യൂനമര്ദ്ദമാണ് മഴ ശക്തമായി തുടരാന് കാരണം. വടക്ക് കിഴക്കന് അറബികടലില് ഗുജറാത്ത് തീരത്തിനു സമീപം രൂപപ്പെട്ട ന്യൂനമര്ദ്ദം വടക്ക് കിഴക്കന് അറബികടലില് സൗരാഷ്ട്ര കച്ച് തീരത്തിന് സമീപം ശക്തികൂടിയ ന്യൂനമര്ദ്ദമായി നിലനില്ക്കുകയാണ്. അടുത്ത 24 മണിക്കൂറിനുള്ളില് പടിഞ്ഞാറു ദിശയില് സഞ്ചരിക്കുന്ന ശക്തികൂടിയ ന്യൂനമര്ദ്ദം ശക്തി പ്രാപിച്ച് തീവ്ര ന്യൂനമര്ദ്ദമാവാന് സാധ്യതയുണ്ട്.
ഒഡീഷ തീരത്തിനും സമീപപ്രദേശത്തിനും മുകളിലായി ന്യൂനമര്ദ്ദം നിലനില്ക്കുന്നു. മണ്സൂണ് പാത്തി അതിന്റെ സാധാരണ സ്ഥാനത്തുനിന്ന് തെക്കോട്ടു മാറി സജീവമാണ്. ജൂലൈ 17 മുതല് മണ്സൂണ് പാത്തി വടക്കോട്ട് സഞ്ചരിക്കാനാണ് സാധ്യത. ഗുജറാത്ത് തീരം മുതല് മഹാരാഷ്ട്ര വരെയാണ് ന്യൂനമര്ദ്ദ പാത്തി നിലനില്ക്കുന്നത്.
ഇതിന്റെ ഫലമായാണ് കേരളത്തില് അടുത്ത 5 ദിവസം വ്യാപകമായ മഴക്കും ഒറ്റപ്പെട്ട സ്ഥലങ്ങളില് ഇടിമിന്നലോടു കൂടിയ ശക്തമായ മഴക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിക്കുന്നത്. രൂക്ഷമായ കടലാക്രമണ മുന്നറിയിപ്പുള്ളതിനാല് മല്സ്യത്തൊഴിലാളികള് ജാഗ്രത പാലിക്കണം. കേരള തീരത്ത് (വിഴിഞ്ഞം മുതല് കാസര്കോട് വരെ) 17ന് രാത്രി 11.30 വരെ 3.0 മുതല് 3.2 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു.
കടല്ക്ഷോഭം രൂക്ഷമാവാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറിത്താമസിക്കണം. മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കുക.
RELATED STORIES
ഐഎസ്എല് കിരീട മോഹം പൊലിഞ്ഞു; പ്ലേ ഓഫില് ഒഡീഷയോട് തോറ്റ്...
19 April 2024 6:38 PM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT