പരിശോധനയില്ലാതെ ഹെല്ത്ത് കാര്ഡ്: തിരുവനന്തപുരം ജനറല് ആശുപത്രി ആര്എംഒയ്ക്കെതിരേ അന്വേഷണത്തിന് ഉത്തരവ്
തിരുവനന്തപുരം: ഭക്ഷ്യസുരക്ഷ ഉറപ്പാക്കാന് സര്ക്കാര് പ്രഖ്യാപിച്ച ഹെല്ത്ത് കാര്ഡ് ഒരു പരിശോധനയുമില്ലാതെ ഫീസ് വാങ്ങി നല്കുന്നുവെന്ന മാധ്യമവാര്ത്തയില് തിരുവനന്തപുരം ജനറല് ആശുപത്രിയിലെ ഡോക്ടര്ക്കെതിരേ ആരോഗ്യമന്ത്രി അന്വേഷണത്തിനും നടപടിക്കും ഉത്തരവിട്ടു. ഇതുസംബന്ധിച്ച് അടിയന്തരമായി അന്വേഷണം നടത്തി നടപടിയെടുക്കാന് ആരോഗ്യവകുപ്പ് ഡയറക്ടര്ക്ക് മന്ത്രി നിര്ദേശം നല്കി.
പൊതുജനാരോഗ്യ സംരക്ഷണത്തിലും ഭക്ഷ്യസുരക്ഷയിലും സര്ക്കാര് ശക്തമായ പ്രവര്ത്തനങ്ങള് നടത്തുമ്പോള് അതിനെ അട്ടിമറിയ്ക്കാന് ശ്രമിക്കുന്നവര്ക്കെതിരേ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു. തിരുവനന്തപുരം ജനറല് ആശുപത്രിയിലെ ആര്എംഒ ആണ് 300 രൂപ വീതം വാങ്ങി പരിശോധനയൊന്നുമില്ലാതെ ഹെല്ത്ത് കാര്ഡ് നല്കുന്നത്. എഫ്എസ്എസ്എഐയുടെ വെബ് സൈറ്റില് നിന്ന് മെഡിക്കല് ഫിറ്റ്നസ് ഫോം ഡൗണ് ലോഡ് ചെയ്യുക, ഡോക്ടറുടെ നിര്ദേശ പ്രകാരം ശാരീക പരിശോധന, കാഴ്ച ശക്തി പരിശോധന, ത്വക്ക് രോഗങ്ങള്, വ്രണം, മുറിവ് എന്നിവയുണ്ടോ എന്ന് നോക്കാനുള്ള പരിശോധന, വാക്സിനെടുത്തിട്ടുണ്ടോ എന്ന പരിശോധന, പകര്ച്ച വ്യാധികള് ഉണ്ടോ എന്നറിയാനുളള രക്ത പരിശോധന, സര്ട്ടിഫിക്കറ്റില് ഡോക്ടറുടെ ഒപ്പും സീലും.
അങ്ങനെ വലിയ കടമ്പകള്ക്ക് ശേഷം മാത്രം ഹെല്ത്ത് കാര്ഡ് എന്നായിരുന്നു അവകാശവാദം. എന്നാല്, തിരുവനന്തപുരം ജനറല് ആശുപത്രിയിലെ ആര്എംഒ ഇതൊന്നുമില്ലാതെ ഹെല്ത്ത് കാര്ഡ് നല്കുന്നുവെന്ന വാര്ത്തയാണ് ദൃശ്യങ്ങള് സഹിതം പുറത്തുവന്നത്.
RELATED STORIES
മോക്പോളില് ബിജെപിക്ക് അധികവോട്ട്; അന്വേഷണത്തിന് സുപ്രിംകോടതി
18 April 2024 12:57 PM GMTസെറിലാക്കിന്റെ ബേബിഫുഡ് അപകടകരം; അമിത അളവില് പഞ്ചസാരയെന്ന് പഠന...
18 April 2024 12:56 PM GMTഗള്ഫില് മഴയ്ക്കു ശമനം; കോടികളുടെ നഷ്ടം
17 April 2024 9:48 AM GMTമസറയിലെ ആടുജീവിതത്തിൻ്റെ ഓര്മകള് അയവിറക്കി നജീബ്
15 April 2024 4:52 PM GMTഇറാന്റെ തിരിച്ചടി ഉടന്; യാത്രാവിലക്കുമായി അമേരിക്ക|thejasnews
12 April 2024 12:12 PM GMTഅസ്സലാമു അലൈക യാ ശഹ്റ റദമാന്|റമദാന് വിചാരം എപ്പിസോഡ് 30
9 April 2024 7:51 AM GMT