കളമശേരിയില് മണ്ണിടിഞ്ഞ് മരിച്ച തൊഴിലാളികളുടെ കുടുംബങ്ങള്ക്ക് സര്ക്കാര് രണ്ട് ലക്ഷം രൂപ അടിയന്തര ധനസഹായം നല്കും
![കളമശേരിയില് മണ്ണിടിഞ്ഞ് മരിച്ച തൊഴിലാളികളുടെ കുടുംബങ്ങള്ക്ക് സര്ക്കാര് രണ്ട് ലക്ഷം രൂപ അടിയന്തര ധനസഹായം നല്കും കളമശേരിയില് മണ്ണിടിഞ്ഞ് മരിച്ച തൊഴിലാളികളുടെ കുടുംബങ്ങള്ക്ക് സര്ക്കാര് രണ്ട് ലക്ഷം രൂപ അടിയന്തര ധനസഹായം നല്കും](https://www.thejasnews.com/h-upload/2022/03/19/185860-untitled-6-copy.jpg)
കൊച്ചി:കളമശേരിയില് നിര്മാണ പ്രവര്ത്തനത്തിനിടെ മണ്ണിടിഞ്ഞ് മരിച്ച നാല് ഇതര സംസ്ഥാന തൊഴിലാളികളുടെ കുടുംബങ്ങള്ക്ക് രണ്ട് ലക്ഷം രൂപ അടിയന്തര ധന സഹായമായി സര്ക്കാര് നല്കും.അപകടത്തിന്റെ സമഗ്രമായ അന്വേഷണത്തിന് ലേബര് കമ്മീഷണറെ ചുമതലപ്പെടുത്തിയതായും മന്ത്രി വി ശിവന്കുട്ടി അറിയിച്ചു.
നിര്മാണ പ്രവര്ത്തനങ്ങളില് സുരക്ഷാവീഴ്ചയുണ്ടായിട്ടുണ്ടോ എന്ന് എഡിഎമ്മിന്റെ നേതൃത്വത്തില് വിദഗ്ധസംഘം പരിശോധിക്കും.അഞ്ച് ദിവസത്തിനകം സംഘം റിപ്പോര്ട്ട് സമര്പ്പിക്കും. അനധികൃതമായ മണല് ഊറ്റലാണ് നടക്കുന്നതെന്ന് നാട്ടുകാര് ആക്ഷേപമുയര്ത്തുന്ന പശ്ചാത്തലത്തില് ഇക്കാര്യങ്ങളില് വിശദമായ അന്വേഷണം നടക്കുമെന്നാണ് വിവരം.
മണ്ണിടിച്ചില് ഭീഷണിയുള്ള പ്രദേശമല്ല ഇതെന്നും അനധികൃതമായി നിര്മാണപ്രവര്ത്തനങ്ങള് നടത്തിയതാണ് ദുരന്തത്തിന് വഴിവെച്ചതെന്നുമാണ് നാട്ടുകാരുടെ ആരോപണം. പ്രദേശത്തുനിന്ന് മണല് ഊറ്റാനാണ് കമ്പനികള് ശ്രമിക്കുന്നതെന്നും നാട്ടുകാര് ആരോപിക്കുന്നു. വലിയ കുഴികള് അടുത്തടുത്തായി വരുന്നത് അപകടത്തിന് കാരണമായി. രക്ഷാപ്രവര്ത്തനം നടത്താന് പോലും ഈ മേഖലയിലേക്ക് കടക്കാന് അനുവദിച്ചിരുന്നില്ലെന്നും നാട്ടുകാര് കുറ്റപ്പെടുത്തി.
RELATED STORIES
കലാപാഹ്വാനക്കേസ് നിലനില്ക്കില്ലെന്ന് കോടതി; പോപുലര് ഫ്രണ്ട് മുന്...
26 July 2024 2:41 PM GMTരാമനഗര ജില്ല ഇനി ബെംഗളൂരു സൗത്ത്; കര്ണാടകയിലും പേരുമാറ്റം
26 July 2024 1:07 PM GMTരാഷ്ട്രപതി ഭവനിലും പേരുമാറ്റം; ദര്ബാര് ഹാള് ഇനി 'ഗണതന്ത്ര മണ്ഡപം'
25 July 2024 11:17 AM GMTഅര്ജുന്റെ ലോറിയിലെ തടി 8 കിലോമീറ്റര് അകലെ നിന്നു കണ്ടെത്തി; പിഎ 1...
25 July 2024 9:23 AM GMTസത്യസരണിയിലേക്കുള്ള സംഘപരിവാര് മാര്ച്ച് തടഞ്ഞെന്ന കേസ്: മുഴുവന്...
23 July 2024 11:07 AM GMTമൂന്നാംമോദി സര്ക്കാരിന്റെ ആദ്യ ബജറ്റ് ധനമന്ത്രി നിര്മലാ സീതാരാമന്...
23 July 2024 6:10 AM GMT