ശബരിമലയിലെ സ്വര്‍ണക്കൊള്ള; ഉദ്യോഗസ്ഥര്‍ക്കെതിരായ നടപടി ഇന്നുണ്ടാകുമെന്ന് പി എസ് പ്രശാന്ത്

പത്തനംതിട്ട: സ്വര്‍ണമോഷണക്കേസില്‍ തിരുവിതാംകൂര്‍ ദേവസ്വം ബോര്‍ഡില്‍ നിന്നും വിരമിച്ച ഉദ്യോഗസ്ഥര്‍ക്കെതിരായ നടപടി ഇന്നുണ്ടാകുമെന്ന് ദേവസ്വം പ്രസിഡന്റ് പി എസ് പ്രശാന്ത്. വിശദമായ ചര്‍ച്ചയ്ക്ക് ശേഷമായിരിക്കും നടപടിയെന്നും പ്രശാന്ത് പറഞ്ഞു.

1999 മുതലുള്ള കാര്യങ്ങള്‍ അന്വേഷിക്കണം. 2007, 2011,2016 കാലത്ത് ആരായിരുന്നു ദേവസ്വം ബോര്‍ഡ് പ്രസിഡന്റുമാര്‍. ഇവരെല്ലാം ദിവ്യന്മാരും ഇപ്പോള്‍ ഉള്ളവര്‍ കള്ളന്മാരുമെന്നാണ് ചിലര്‍ പ്രചരിപ്പിക്കുന്നതെന്നും പി എസ് പ്രശാന്ത് പറഞ്ഞു.

സ്മാര്‍ട്ട് ക്രിയേഷനില്‍ രേഖകള്‍ കാണാതായ സംഭവം എസ്‌ഐടി സംഘം അന്വേഷിക്കട്ടെയെന്നും സത്യം എന്തായാലും പുറത്തുവരുമെന്നും പ്രശാന്ത് പറഞ്ഞു. വിഷയത്തില്‍ ആര് കുറ്റവാളിയായാലും തക്കതായ ശിക്ഷ ലഭിക്കണം എന്ന കാര്യത്തില്‍ തര്‍ക്കമില്ലെന്നും അദ്ദേഹം വ്യക്തമാക്കി. അതേസമയം, സ്വര്‍ണ കൊള്ള മകരവിളക്ക് തീര്‍ത്ഥാടനത്തെ ബാധിക്കില്ലെന്നും അത് ഭംഗിയായി നടക്കുമെന്നും പ്രശാന്ത് കൂട്ടിചേര്‍ത്തു.