സ്വര്‍ണക്കടത്ത്: പ്രതിരോധത്തിന് മുന്നിട്ടിറങ്ങി ഇടതുമുന്നണി; ജൂണ്‍ 21 മുതല്‍ റാലികളും വിശദീകരണയോഗങ്ങളും

തിരുവനന്തപുരം: സ്വര്‍ണക്കടത്ത് കേസില്‍ സര്‍ക്കാര്‍ പ്രതിക്കൂട്ടിലായ സാഹചര്യത്തില്‍ അതിനെ പ്രതിരോധിക്കാന്‍ ഇടതുമുന്നണി മുന്നിട്ടിറങ്ങുന്നു. വിശദീകരണയോഗങ്ങളും റാലികളും നടത്തി ആരോണങ്ങള്‍ക്ക് മറുപടി പറയാനാണ് ഉദ്ദേശിക്കുന്നത്. കഴിഞ്ഞ ദിവസം നടന്ന ഇടതുമുന്നണി യോഗത്തിലാണ് ഇതുസംബന്ധിച്ച തീരുമാനമെടുത്തത്.

അതിന്റെ ഭാഗമായി ജൂണ്‍ 21 മുതല്‍ ജില്ലാതല റാലികളും ജില്ലാ വിശദീകരണയോഗങ്ങളും നടത്തും. അതിനുശേഷം മണ്ഡലാടിസ്ഥാനത്തില്‍ പൊതുയോഗങ്ങള്‍ വിളിച്ചുചേര്‍ക്കും.

പതിനായിരത്തോളം യോഗങ്ങളാണ് വിളിച്ചുചേര്‍ക്കാന്‍ ഉദ്ദേശിക്കുന്നത്. ജില്ലാ യോഗങ്ങളുടെ തിയ്യതികളും പ്രഖ്യാപിച്ചിട്ടുണ്ട്. ജൂണ്‍ 21 ന് തിരുവനന്തപുരത്തുനിന്നാണ് റാലികളുടെ തുടക്കം. എറണാകുളം23, കോഴിക്കോട്, കാസര്‍കോഡ് എന്നീ ജില്ലകളില്‍ 28, കോട്ടയം, കണ്ണൂര്‍ 29, പത്തനംതിട്ട, വയനാട് 30, ഇടുക്കി ജൂലൈ 2, പാലക്കാട് തൃശൂര്‍, മലപ്പുറം ജൂലൈ 3 എന്നിങ്ങനെയാണ് റാലികള്‍ നടത്തുക.