മുന്‍ യുപി മുഖ്യമന്ത്രി കല്യാണ്‍ സിങ്ങിന്റെ ആരോഗ്യനില ഗുരുതരമായി

ലഖ്‌നോ: ഉത്തര്‍പ്രദേശ് മുന്‍മുഖ്യമന്ത്രിയും ബിജെപി നേതാവുമായ കല്യാണ്‍ സിങ്ങിന്റെ ആരോഗ്യനില ഗുരുതരമായതായി ലഖ്‌നോ സഞ്ജയ്ഗാന്ധി പോസ്റ്റ് ഗ്രാജ്വേറ്റ് ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസ് അറിയിച്ചു. ജീവന്‍ രക്ഷാ സംവിധാനത്തിന്റെ സഹായത്തോടെയാണ് അദ്ദേഹം കഴിയുന്നത്. കഴിഞ്ഞ ദിവസം വൈകീട്ടായതോടെയാണ് രോഗബാധ മൂര്‍ച്ഛിച്ചത്.

നെഫ്രോളജി, ന്യൂറോളജി, എന്‍ഡൊക്രിനൊളജി വിഭാഗത്തിലെ ഡോക്ടര്‍മാരുടെ നിരീക്ഷണത്തിലാണ് കല്യാണ്‍ സിങ്ങ് ഇപ്പോള്‍ ഉള്ളത്.

ജൂലൈ നാലാം തിയ്യതിയാണ് കല്യാണ്‍ സിങ്ങിനെ ബോധം നഷ്ടപ്പെട്ടതിനെത്തുടര്‍ന്ന് ആശുപത്രിയില്‍ പ്രവേശിപ്പിച്ചത്.

കല്യാണ്‍ സിങ്ങ് മുഖ്യമന്ത്രിയായിരുന്ന സമയത്താണ് ആര്‍എസ്എസ് നേതൃത്വത്തിലുള്ള കര്‍സേവകര്‍ ബാബറി മസ്ജിദ് പൊളിച്ചത്. മുന്‍ രാജസ്ഥാന്‍ ഗവര്‍ണര്‍ കൂടിയായിരുന്നു അദ്ദേഹം.