തെലങ്കാനയില്‍ പുതിയ സെക്രട്ടേറിയറ്റ് കെട്ടിടത്തില്‍ തീപ്പിടിത്തം (വീഡിയോ)

ഹൈദരാബാദ്: തെലങ്കാനയില്‍ നിര്‍മാണം പുരോഗമിക്കുന്ന സെക്രട്ടേറിയറ്റ് കെട്ടിടത്തില്‍ തീപ്പിടിത്തം. പുലര്‍ച്ചെ മൂന്നുമണിക്കാണ് കെട്ടിടത്തിന് തീപ്പിടിച്ചത്. മരപ്പണികള്‍ക്ക് എത്തിച്ച തടികളിലേക്ക് തീ പടരുകയായിരുന്നു. ഷോട്ട് സര്‍ക്യൂട്ടാണ് തീപ്പിടിത്തത്തിന് കാരണമെന്നാണ് പ്രാഥമിക നിഗമനം.

A fire broke out at the new secretariat building near #NTRGardens during wee hours of Friday morning. #HyderabadFire pic.twitter.com/n9fR7PyIuG

— TOI Hyderabad (@TOIHyderabad) February 3, 2023

11 ഫയര്‍ എന്‍ജിനുകള്‍ ഉപയോഗിച്ച് അഞ്ച് മണിക്കൂര്‍ കൊണ്ട് തീ നിയന്ത്രണ വിധേയമാക്കി. മുഖ്യമന്ത്രി കെ ചന്ദ്രശേഖര്‍ റാവുവിന്റെ ജന്‍മദിനമായ ഫെബ്രുവരി 17ന് 616 കോടി രൂപ ചെലവില്‍ നിര്‍മിച്ച കെട്ടിടം ഉദ്ഘാടനം ചെയ്യുമെന്ന് നേരത്തെ പ്രഖ്യാപിച്ചിരുന്നു.