ഡിഡി ഗ്രൂപ്പ് എക്‌സലന്‍സ് അവാര്‍ഡ് വിതരണം

പരപ്പനങ്ങാടി: പാലത്തിങ്ങല്‍ ഡിഡി ഗ്രൂപ്പ് വിദ്യാഭ്യാസ മേഖലയില്‍ കഴിവ് തെളിയിച്ച വിദ്യാര്‍ത്ഥികള്‍ക്ക് എല്ലാ വര്‍ഷവും നല്‍കുന്ന എക്‌സലന്‍സ് അവാഡ് വിതരണം ചെയ്തു. ഈ വര്‍ഷം എസ്എസ്എല്‍സി പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയവരെയും അതുപോലെ ഉന്നത വിജയം കരസ്ഥമാക്കിയ കുട്ടികള്‍ക്കുമാണ് പ്രശസ്തി ഫലകവും പഠനോപകരണങ്ങളും നല്‍കിയത്.

കെന്‍സോ ടെക് എംഡി കബീര്‍ മച്ചിഞ്ചേരി ഉപഹാര വിതരണോത്ഘാടനം നടത്തി. കെ ടി വിനോദ് അധ്യക്ഷത വഹിച്ചു. ജോയിന്റ് കണ്‍വീനര്‍ പി കെ അനീസ്, കെ പി ഫിറോസ്, അഷ്‌റഫ് കുന്നുമ്മല്‍, അഷ്‌റഫ് മണമ്മല്‍, ഷാഫി, എം കെ നൗഷാദ്, എം രാജന്‍, സൈതലവി, എം മന്‍സൂര്‍, കെ പി ഹാരിസ്, കെ വി പി ലത്തീഫ്, എം ഇസ്ഹാഖ്, കണ്‍വീനര്‍ സി ഷറഫലി സംസാരിച്ചു.