വഴക്കിനിടെ ഭാര്യാപിതാവിന്റെ വിരല്‍ കടിച്ചുമുറിച്ചു; യുവാവ് അറസ്റ്റില്‍

മീനാക്ഷിപുരം: ആനമല മീനാക്ഷിപുരത്ത് ഭാര്യാപിതാവിന്റെ തള്ളവിരല്‍ കടിച്ചുമുറിച്ച മരുമകനെ അറസ്റ്റ് ചെയ്തു. പഴനിക്കടുത്ത് വില്‍വംപട്ടിക്കാരന്‍ മണിമാരനാണ് (26) അറസ്റ്റിലായത്.

മീനാക്ഷിപുരം സ്വദേശി പഴനിയപ്പന്റെ മകള്‍ സത്യയുടെ ഭര്‍ത്താവാണ് മണിമാരന്‍. കുറച്ച് ദിവസമായി സത്യ ഭര്‍ത്താവിനോട് പിണങ്ങി മീനാക്ഷിപുരത്താണ് താമസിക്കുന്നത്. മീനാക്ഷിപുരത്തേക്ക് വന്ന ഭര്‍ത്താവ് മണിമാരന്‍ ഭാര്യാപിതാവുമായി വഴക്കുകൂടുകയുയിരുന്നു. വഴക്ക് മൂത്ത് ഭാര്യാപിതാവിന്റെ വിരല്‍ കടിച്ച് മുറിവേല്‍പ്പിക്കുകയായിരുന്നു. ആനമല പോലിസില്‍ പരാതിപ്പെട്ടതനുസരിച്ച് പോലിസുകാര്‍ കേസെടുത്ത് മണിമാരനെ അറസ്റ്റ് ചെയ്തു.