വിവാദ വിഷയങ്ങളില്‍ ചര്‍ച്ച; പ്രധാനമന്ത്രിയെ കാണാനൊരുങ്ങി മുഖ്യമന്ത്രി

തിരുവനന്തപുരം: പ്രധാനമന്ത്രി നരേന്ദ്രമോദിയുമായി ഔദ്യോഗിക കൂടിക്കാഴ്ച നടത്താനൊരുങ്ങി മുഖ്യമന്ത്രി പിണറായി വിജയന്‍. ചര്‍ച്ചയ്ക്കായുള്ള സമയം തേടി പ്രധാനമന്ത്രിയുടെ ഓഫിസുമായി മുഖ്യമന്ത്രി ബന്ധപ്പെട്ടു.

ബഫര്‍ സോണ്‍, കെ റെയില്‍ തുടങ്ങിയ വിവാദ വിഷയങ്ങള്‍ സംസാരിക്കാനും കേന്ദ്ര സര്‍ക്കാരിന്റെ നിലപാട് അറിയാനുമാണ് ചര്‍ച്ചയെന്നാണ് റിപോര്‍ട്ടുകള്‍. ഈയാഴ്ച പിബി യോഗത്തില്‍ പങ്കെടുക്കാന്‍ പിണറായി വിജയന്‍ ഡല്‍ഹിയിലെത്തുമ്പോള്‍ കൂടിക്കാഴ്ച നടത്താനാണ് ശ്രമം. ഇതുവരെ പ്രധാനമന്ത്രിയുടെ ഓഫിസില്‍ നിന്ന് മറുപടി ലഭിച്ചില്ലെന്നാണ് വിവരം.