ഡല്‍ഹി കാളിന്ദി കുഞ്ചില്‍ തീപിടിത്തം; അഗ്നിശമന സേന സ്ഥലത്തെത്തി

ന്യൂഡല്‍ഹി: ഡല്‍ഹി മധന്‍പൂര്‍ ഖാദര്‍ പ്രദേശത്ത് കാളിന്ദി കുഞ്ചില്‍ തീപിടിത്തം. ഞായറാഴ്ച പുലര്‍ച്ചെയാണ് തീപിടിത്തമുണ്ടായത്. ആറ് അഗ്നിശമനവാഹനങ്ങള്‍ തീ അണക്കുന്നതിനുള്ള ശ്രമത്തിലാണ്.

തൊട്ടടുത്ത ദിവസങ്ങളില്‍ ഇത് രണ്ടാം തവണയാണ് ഡല്‍ഹിയില്‍ തീപിടിത്തമുണ്ടാവുന്നത്. കഴിഞ്ഞ ദിവസം ഡല്‍ഹി സെന്‍ട്രല്‍ മാര്‍ക്കറ്റില്‍ ലജ്പത് നഗറില്‍ ഷോറൂമിന് തീപിടിച്ചിരുന്നു.

തീ അണക്കാന്‍ 30 അഗ്നിശമന വാഹനങ്ങള്‍ വേണ്ടിവന്നു. ലജ്പത് നഗറില്‍ മരണങ്ങളൊന്നും റിപോര്‍ട്ട് ചെയ്യപ്പെട്ടില്ല.

സാഹചര്യങ്ങള്‍ നിയന്ത്രണത്തിലാണെന്ന് ഫയര്‍ സര്‍വീസ് ഡയറക്ടര്‍ അതുല്‍ കാര്‍ഗ് പറഞ്ഞു.