കൊവിഡ് ആരോഗ്യ മുന്നറിയിപ്പുകള്‍ക്ക് പുല്ലുവില: യുപി പ്രയാഗ്‌രാജിലെ ത്രിവേണി സംഗമത്തില്‍ മുങ്ങിനിവര്‍ന്നത് ആയിരങ്ങള്‍
14 Dec 2020 3:56 AM GMT
പ്രയാഗ്‌രാജ്: യുപിയിലെ പ്രയാഗ്‌രാജില്‍ ത്രിവേണി സംഗമത്തില്‍ മുങ്ങിനിവരാന്‍ എത്തിയത് ആയിരക്കണക്കിന് ഭക്തര്‍. അമാവാസി ദിനത്തില്‍ ത്രിവേണിയില്‍ മുങ്ങുന്നത് ഹിന്ദുക്കളുടെ വിശ്വാസത്തിന്റെ ഭാഗമാണ്. ഗംഗ, യുമന, സരസ്വതി നദികളുടെ സംഗമമാണ് ത്രിവേണി.
ഭക്തരില്‍ വലിയ ശതമാനത്തോളം മാസ്‌ക് ധരിച്ചിരുന്നില്ലെന്നുമാത്രമല്ല, സാമൂഹിക അകലവും പാലിച്ചില്ല. സ്‌നാനഘട്ടം ഭക്തരെക്കൊണ്ട് നിറഞ്ഞുകവിഞ്ഞ ചിത്രങ്ങളും പുറത്തുവന്നിട്ടുണ്ട്.
എന്നാല്‍ പോലിസ് നടപടികളെന്തെങ്കിലും സ്വീകരിച്ചതായി സൂചനയില്ല.
Next Story
