മുംബൈയില്‍ കൊവിഡ് കേസുകള്‍ ഉയരുന്നു; 24 മണിക്കൂറിനുളളില്‍ 117 പേര്‍ക്ക് കൊവിഡ്

മുംബൈ: ഒരു ഇടവേളക്കുശേഷം മുംബൈയില്‍ കൊവിഡ് രോഗികളുടെ എണ്ണം വര്‍ധിക്കുന്നു. 24 മണിക്കൂറിനുളളില്‍ 117 പേര്‍ക്ക് കൊവിഡ് സ്ഥിരീകരിച്ചു. പോസിറ്റിവിറ്റി നിരക്ക് 1.66 ശതമാനം രേഖപ്പെടുത്തി. മരണങ്ങളൊന്നും റിപോര്‍ട്ട് ചെയ്തിട്ടില്ല. മുംബൈയില്‍ ഇപ്പോള്‍ 642 സജീവ രോഗികളുണ്ട്.

മഹാരാഷ്ട്രയില്‍ 188 പേര്‍ക്കാണ് കൊവിഡ് സ്ഥിരീകരിച്ചത്. മരണങ്ങളൊന്നും റിപോര്‍ട്ട് ചെയ്തിട്ടില്ല. സംസ്ഥാനത്ത് 1,049 സജീവ രോഗികളുണ്ട്.

ഫെബ്രുവരി 24നാണ് ഇതിനുമുമ്പ് ഇത്രയും പേര്‍ക്ക് കൊവിഡ് സ്ഥിരീകരിച്ചത്. അന്ന് 119 പേര്‍ക്കാണ് കൊവിഡ് സ്ഥിരീകരിച്ചത്.

ഇത് രണ്ടാം ദിവസമാണ് മുംബൈയില്‍ കൊവിഡ് രോഗികളുടെ എണ്ണം മൂന്നക്കം കടക്കുന്നത്. രാജ്യത്താകമാനം കൊവിഡ് കേസുകള്‍ വര്‍ധിക്കുന്നതായാണ് റിപോര്‍ട്ട്.