കൊവിഡ്‌ ; കോട്ടയം ജില്ലയില്‍ 196 പുതിയ രോഗികള്‍

കോട്ടയം: ജില്ലയില്‍ 196 പേര്‍ക്കു കൂടി കൊവിഡ് സ്ഥിരീകരിച്ചു. ഇതില്‍ 191 പേര്‍ക്കും സമ്പര്‍ക്കത്തിലൂടെയാണ് വൈറസ് ബാധിച്ചത്. ആകെ 2356 പരിശോധനാ ഫലങ്ങളാണ് പുതിയതായി ലഭിച്ചത്. കോട്ടയം-19, പനച്ചിക്കാട്-12, തിരുവാര്‍പ്പ്-11, അയര്‍ക്കുന്നം-10, പാമ്പാടി-9, ചങ്ങനാശേരി, വാകത്താനം-8 വീതം, അയ്മനം, ഈരാറ്റുപേട്ട-7 വീതം, ഏറ്റുമാനൂര്‍, കറുകച്ചാല്‍-6 വീതം, കുമരകം, തലയാഴം, കുറിച്ചി, മണര്‍കാട്-5 വീതം എന്നിവയാണ് സമ്പര്‍ക്കം മൂലമുള്ള രോഗബാധ കൂടുതലായി റിപ്പോര്‍ട്ട് ചെയ്ത കേന്ദ്ര സ്ഥലങ്ങള്‍.

രോഗം ഭേദമായ 90 പേര്‍ കൂടി ആശുപത്രി വിട്ടു. നിലവില്‍ 1821 പേരാണ് ചികിത്സയിലുള്ളത്. ഇതുവരെ 5362 പേര്‍ രോഗബാധിതരായി. 3538 പേര്‍ രോഗമുക്തി നേടി. ജില്ലയില്‍ ആകെ 17967 പേര്‍ ക്വാറന്റയിനില്‍ കഴിയുന്നുണ്ട്.